Հունաստանը թուրքական կողմին մեղադրել է ներգաղթյալների ճամբարը հրդեհելու համար (տեսանյութ)

Հունաստանի կառավարությունը Թուրքիայի իշխանություններին մեղադրել է սահմանի՝ Էվրոս գետի հատվածում գտնվող ներգաղթյալների ճամբարի վրանները հրդեհելու համար: Այս մասին հաղորդում է Life.ru-ն՝ հղում տալով Greek Times-ին:

Լրատվամիջոցը, որը հրապարակել է տեսակադրերը, հաղորդում է, որ թուրքական իշխանությունները ներգաղթյալներին հարկադրում են ավտոբուս նստել և տանում են անհայտ ուղղությամբ: Ներգաղթյալներից մեկը սոցիալական ցանցում գրել էր, որ ոստիկանությունը հրամայում է հավաքել իրենց իրերը, ապա ոչնչացնում մարդկանց ապաստարանները:

Ավելի վաղ Հունաստանը բացել էր ԵՄ սահմանները՝ հայտնելով, որ սիրիական Իդլիբում իրավիճակի սրումից հետո այլևս չի կարող զսպել փախստականների հոսքը: Հունաստանը հրաժարվել էր ընդունել ներգաղթյալների նոր ալիքը, նրանք երկրի սահմանին կից ճամբար էին ստեղծել: Մարտի սկզբին ավելի քան 47 հազար ներգաթղյալ 1 օրում հասել էր Եվրամիություն: Դրանից հետո ԵՄ-ը հայտարարել էր հունական սահմանի պաշտպանության համար ուժեր ուղարկելու մասին: