Brent տեսակի նավթը թանկացել է ավելի քան 3 տոկոսով
Brent տեսակի նավթը չորեքշաբթի թանկացել է ավելի քան 3 տոկոսով, գրում է ria.ru-ն։
Երևանյան ժամանակով ժամը 6.06-ի դրությամբ՝ Brent ապրանքանիշի նավթի մայիսյան ֆյուչերսների արժեքն աճել է 3.72 տոկոսով՝ հասնելով մեկ բարելի համար 28.16 դոլարի: WTI տեսակի նավթն ավելի վաղ թանկացել է 5 տոկոսով՝ հասնելով մեկ բարելի համար 25,21 դոլարի:
Երկրորդ օրն անընդմեջ նավթի շուկան վերականգնվում է՝ 11%-ով անկումից հետո։ Ընդ որում՝ վերլուծաբանները շարունակում են մտավախություն հայտնել կորոնավիրուսի հետևանքով հումքի պահանջարկի առնչությամբ։
Նավթի գները սկսել են նվազել կորոնավիրուսի տարածմամբ պայմանավորված, այն հարված է հասցրել նավթի համաշխարհային պահանջարկին: Գներն անկում գրանցեցին ՕՊԵԿ + գործարքի ձախողումից հետո, երբ Ռուսաստանը չընդունեց առաջարկվող պայմանները, իսկ Սաուդյան Արաբիան ու գործընկերները հրաժարվեցին երկարաձգել նավթի արդյունահանման մակարդակի կրճատումը:
Արդյունքում ապրիլի 1-ից համաձայնության մասնակից կողմերը ազատվում են նավթի արդյունահանման որևէ պարտավորություններից և ծրագրում են բարձրացնել արդյունահանման մակարդակը: Ամենածայրահեղը արձագանքել է հենց Սաուդյան Արաբիան, որը խոստացել է նավթի մատակարարումն ավելացնել մեկ օրում 3 միլիոն բարելով, ինչպես նաև ռեկորդային զեղչ է խոստացել վերջին տասնամյակների համար: Այսպիսով՝ թագավորությունը մտադիր է ավելացնել իր բաժինը շուկայում և դուրս թողնել մրցակիցներին`առաջին հերթին Ռուսաստանին:
Նշենք, որ վերջին երկու շաբաթների ընթացքում նավթի գինն ընկել է գրեթե երկու անգամ:
Վերլուծաբանները կարծում են, որ գնային պատերազմը կարող է հանգեցնել պահեստների լցմանը և նույնիսկ հումքի արժեքի անկմանը մի քանի ամսվա ընթացքում: Այս ամենի ֆոնին ամերիկացի 13 սենատորներ Սաուդյան Արաբիային խնդրել են ազդել նավթի գների վրա՝ ակնարկելով, որ հակառակ դեպքում երկու երկրների հարաբերությունները կտուժեն:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Ստեփանծմինդա-Լարս ավտոճանապարհը փակ է