Հայաստանի հավաքականի շանսերը 30% են. կարծիք Մոնտենեգրոյից

ԱԱ-2018-ի ընտրական փուլում Հայաստանի հավաքականը վաղը՝ հունիսի 10-ին հյուրընկալվելու է Մոնտենեգրոյի ընտրանուն:

«Armsport.am»-ը զրուցել է տեղի առաջատար մարզական կայքերից մեկի՝ «cg-fudbal.com»-ի գլխավոր խմբագիր Իվիցա Մաջարովիչի հետ:

Նա իր խոսքում ասաց հետևյալը.

«Շատ կարևոր հանդիպում է մեզ համար. պետք է հաղթենք, որպեսզի մեծացնենք շանսերը խմբից դուրս գալու համար: Ձեր հավաքականի հետ առաջին խաղում անհավանական կերպով 3 միավոր կորցրինք:

Կարծում եմ՝ այս խաղում մենք հաղթելու 70 % շանս ունենք, դուք՝ 30 %:

Դիտել եմ Հայաստանի ընտրանու հանդիպումներ. դուք ունեք թիմ, որին հաղթելը շատ բարդ է: Մեծ հարգանք ունեմ Հայաստանի հավաքականի նկատմամբ: Ձեր ազգային թիմը լավ վիճակում է և պայքարելու է: Պաշտպանությունը ձեր թիմի ամենաուժեղ կողմն է:

Մոնտենեգրոյում շատերը հավատում են, որ հաղթելու ենք, բայց ոչ ոք չի ասում, որ հեշտությամբ»:

Խոսելով Հենրիխ Մխիթարյանի մասին՝ Մաջարովիչն ասել է. «Մխիթարյանը համաշխարհային մակարդակի ֆուտբոլիստ է: Նրան կիսով չափ վնասազերծելու դեպքում մենք կհաղթենք: Եթե մենք նրա նման մեկ կիսապաշտպան ունենայինք, արդեն Աշխարհի առաջնության ուեգիր ձեռք բերած կլինեինք»:

Հիշեցնենք, որ խաղը կայանալու է վաղը՝ Երևանի ժամանակով 22:45-ին: Մոնտենեգրոյի ընտրանին 7 միավոր ունի և 1 միավորով է առաջ մեր հավաքականից: