Տրամաբանական է, որ Արցախում ևս արտակարգ դրություն հայտարարվի. Գեղամ Նազարյան
«Արցախը Հայոց աշխարհի մասն է, և եթե Հայաստանում Կորոնավիրուսի 190-ից ավելի դեպք կա, ապա տեսական հնարավորություն կա, որ այն կիլինի ոչ միան, ասենք, Արարատում կամ Երևանում, այլ նաև Արցախում»,- Yerevan.Today-ի հետ զրույցում ասաց «Այլընտրանքային նախագծեր խմբի» անդամ Գեղամ Նազարյանը: Նրա խոսքով, շատ տրամաբանական է, որ տարբեր գործիչներ հանդես են գալիս Արցախում արտակարգ դրություն հայտարարելու կոչերով:
«Դա նույնն է, որ Հայաստանի մի մասում հայտարարվեր արտակարգ դրություն, իսկ, օրինակ, Տավուշում չսահմանվեր։ Այնպես որ, այստեղ տրամաբություն չկա»,- ասաց նա:
Գեղամ Նազարյանն անդրադարձավ նաև այս ընթացքում Արցախում նախընտրական քարոզչությանը: «Այս իրավիճակում նորմալ ընտարշավի մասին խոսելն արդեն մի փոքր ավելորդ է դառնում։ Որովհետև երբ թեկնածուներից մի քանիսը պահանջում են արտակարգ դրություն սահմանել և հետաձգել ընտրությունները և անցնում են քարոզարշավի այլ տարբերակի, ոմանք շարունակում են բացօթյա հանդիպումները։ Սա, արդեն, մի իրավիճակ է ստեղում, որը հետագա շահարկումների լավ առիթ է հատկապես այն ուժերի համար, որոնք ուզում են Արցախում ապակայունություն լինի։ Այդպիսի ուժեր, ինչպես տեսնում ենք, կան:
Ճիշտն այն կլիներ, որ գոնե առաջատար թեկնածուները նախագահ Բակո Սահակյանի հետ նստեն սեղանի շուրջ և ընդհանուր որոշում կայացնեն արտակարգ դրություն մտցնելու և ընտրությունները հետաձգելու մասին, որովհետև Արցախին պետք չէ այնպիսի նախագահ, որի լեգիտիմությունը կասկածի տակ կդրվի։ Ընտրությունը միայն քվեարկություն չի, այլ ներառում է նաև ընտրարշավը․ եթե արդեն կան կասկածներ այս կամ այն անձի հետ կապված, ավելի լավ է՝ այդ հարցերը միանգամից լուծվեն, որ հետո հարցեր չառաջացնեն:
Իրավական հարցերի մեջ չեմ ուզում խորանալ, բայց եթե կարողանում են հետաձգել ֆուտբոլի Եվրոպայի առաջնությունը, որը շատ ավելի ծախսատար է և առնչվում է մոտ հիսուն երկրների, ապա կարծում եմ, որ Արցախում ընտրությունները հետաձգելը ևս որևէ խնդիր չի առաջացնի, հատկապես, որ Հայաստանում նախադեպը կա»- եզրափակեց Գեղամ Նազարյանը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...