Это будет так... фокусы
Խորհրդային մի մուլտ կար, որի հերոսը` Օբեշչալկինը համառորեն ցանկանում էր մասնակցել ներկայացմանը եւ մի համար ցուցադրել: Հանձնարարում էին արտասանել, հաջորդ պրը գալիս էր, թե բա երգելու եմ: Ասում էին երգիր՝, բայց գալիս էր, թե բա ակրոբատություն եմ անելու, հետո, թե նվագելու եմ տարբեր գործիքների վրա, իսկ երբ համաձայնվեցին, հաջորդ օրը եկավ, թե բա ֆոկուս եմ անելու:
Նա ուզում էր զբաղվել ամեն ինչով, բայց որ իր բուն գործով: Գուցե չէր կարողանում անել այն, ինչ խոստանում էր անել: գուցե: Ի վերջո, համերգի կազմակերպիչների համբերությունը հատավ եւ ֆոկուսնիկին ուղարկեցին հանդիսատեսի շարքեր:
Իդլիբի հարցով Էրդողանն ու Պուտինը հնգժամյա հանդիպում են ունենում եւ համաձայնության հասնում: ՀՀ իշխանություններն այս հարցն անգամ չեն քննարկում: Փոխարենը վարչապետը մտնում է մետրոպոլիտեն, անհասկանալի հարցով քարոզչություն անեում, տհաճ միջադեպի մասնակից դառնում:
Իրանում մեկ օրում կորոնավիրուսից մոտ հիսուն հոգի է մահանում, բայց մեր վարչապետն անվտանգության խորհրդի նիստ չի հրավիրում, այլ ծաղիկ է բաժանում, կրկին հայտնվելով տհաճ իրավիճակում:
Ոստիկաններն անհամաչափ ուժ են կիրառում, ջարդուփշուր անում ՀՀ քաղաքացիներից մեկի տունը, որի արդյունքում թոռնուհին, հնգամյա թոռնուհին վախից չի կարողանում խոսել եւ տեղափոխվում է հիվանդանոց: Վարչապետը փոխանակ ոստիկանության ղեկավարության հետ շտապ հանդիպում կազմակերպի, պարզի եղելությունը, կրկին բուկլետներ է բաժանում եւ սելֆի անում:
Ոսկեպարը, Կոթին, Տավուշի մարզի մեր բնակավայրերն ու դիրքերը պարբերաբար գնդակոծվում են, իսկ վարչապետը ամենահաս միլիցիոներ Ստյոպայի նման ինքնասպանության փորձ է կանխում, փոխանակ Անվտանգության խորհրդի նիստ հրավիրի եւ որոշում կայացնի, թե ինչ է պետք անել Ալիեւի զինվորների կրակոցները կանխելու համար:
Նավթի համաշխարհային գները կտրուկ անկում են ապրում, որը լուրջ ազդեցություն է ունենալու մեր ռազմավարական թիվ մեկ դաշնակից Ռուսաստանի եւ թիվ մեկ հակառակորդ Ադրբեջանի տնտեսությունների վրա, բայց մեր վարչապետը արձակուրդ է վերցնում, որ ավելի մեծ խանդավառությամբ բուկլետ բաժանի:
Եւ այստեղ մենք արդեն մտահոգվում ենք, որ վարչապետը հանկարծ մեկ այլ տհաճ միջադեպի մեջ չհայտնվի, օրինակ, ծեծկռտուկի մեջ չմտնի Սպունգ Բոբի եւ Պատրիկի հետ:
Ստացվում է, որ վարչապետը անում է ամեն ինչ, բացի իր բուն գործից, ամեն հարցի պատասխանելով՝ Это будет так... фокусы...
Վահրամ Գեւորգյան
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Արսեն Զախարյանի տրանսֆերային արժեքն աճել է
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Եվրամիությունը չի հասկանում Իրանում պատերազմի նպատակները. Կալաս