Մխիթարյան. Մենք մեկնում ենք հաղթելու համար
Հայաստանի ազգային հավաքականի առաջատար Հենրիխ Մխիթարյանը Երեւանում տեղի ունեցած ընկերական խաղում Սենթ Քիթսի եւ Նեւիսի հավաքականի նկատմամբ 5:0 հաշվով հաղթանակից հետո գնահատել է թիմի խաղը՝ անդրադառնալով Չեռնոգորիայի դեմ աշխարհի առաջնության ընտրական մրցաշարի առաջիկա հանդիպմանը:
«Չէի ասի, թե հանդիպեցինք բարձրակարգ մրցակցի: Բայց խաղն այն առումով էր օգտակար, որ փորձում էինք արագ գործել եւ եզրափակել գրոհները: Մեզ համար կարեւոր չէր գոլերի քանակը, նպատակը ճիշտ խաղալն էր` պատրաստվելով Մոնտենեգրոյի հետ խաղին: Պետք է վերլուծենք այս հանդիպումը, տեսնենք, թե ինչն ենք լավ արել կամ որտեղ ենք թերացել: Մոնտենեգրոյի հետ խաղին պետք է հնարավորինս ավելի լավ պատրաստված լինենք:
Մեկնելու ենք Մոնտենեգրո հաղթանակի համար: Հեշտ խաղ չի սպասվում, ինչպես այսօր: Շատ լավ ենք պատրաստվելու առաջիկա 5 օրերի ընթացքում:
Շատ լավ եմ ինձ զգում ֆիզիկապես եւ հոգեպես, սակայն մարզիչը որոշեց, որ մեկ խաղակես պետք է անցկացնեմ խաղադաշտում:
Կարեւոր չի, որ դիրքում հանդես կգամ: Նպատակս հավաքականին եւ իմ ակումբին օգտակար լինելն է»,- ամփոփել է Մխիթարյանը:
Լրագրողի այն հարցին, թե արդյոք Սենթ Քիթսի եւ Նեւիսի հավաքականի հետ խաղից հետո Մխիթարյանը պատրաստվում է գնալ հանգստի, Հենրիխը պատասխանեց հետեւյալ կերպ.
«Ճիշտն ասած, շատ տարօրինակ հարց եք տալիս: Ինչպե՞ս կարող եմ լքել հավաքականի ճամբարը Մոնտենեգրոյի հավաքականի հետ կարեւոր խաղից առաջ եւ մեկնել հանգստի»,- պատասխանել է ֆուտբոլիստը:
Մխիթարյանն անդրադարձավ նաեւ Եվրոպայի Սուպերգավաթի խաղին. Եվրոպայի լիգայի հաղթող «Մանչեսթեր Յունայթեդը» կհանդիպի Չեմպիոնների լիգայի հաղթող Մադրիդի «Ռեալին»:
«Իհարկե, հաճելի է մասնակցել այդպիսի հանդիպումների: Գիտենք, որ «Ռեալը» շատ լավ թիմ է, սակայն շատ ժամանակ ունենք այդ կարեւորագույն խաղին պատրաստվելու համար: Կարծում եմ, որ մինչ այդ մեր թիմի կազմում փոփոխություններ կլինեն»,- ասել է Մխիթարյանը:
Աշխարհի առաջնության Չեռնոգորիա - Հայաստան ընտրական հանդիպումը տեղի կունենա հունիսի 10-ին Պոդգորիցայում: Եվրոպայի Սուպերգավաթի «Մանչեսթեր Յունայթեդ» - «Ռեալ» հանդիպումը օգոստոսի 8-ին է Մակեդոնիայի մայրաքաղաք Սկոպյեում:
Սամվել Սուքիասյան
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Արսեն Զախարյանի տրանսֆերային արժեքն աճել է
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
FoodexJapan սննդի և խմիչքների ցուցահանդես. հայկական գինեգործական ընկերությունները միասնական տաղավարո...