Լուրջ հարցազրույցի ձեւաչափը քոնը չի, քոնը ղժղժան քարոզարշավն է․ Արմեն Աշոտյանը՝ վարչապետի հարցազրույցի մասին

Իրականում լուրջ հարցազրույցի ձեւաչափը քոնը չի։ Այս մասին ֆեյսբուքյան իր էջում գրել է ՀՀԿ փոխնախագահ Արմեն Աշոտյանը՝ անդրադառնալով ՀՀ վարչապետ Նիկոլ Փաշինյանի հրացազրույցին Հանրային հեռուստաընկերությանը։

«Ազդարարված «սպարրինգի» փոխարեն ականատեսն եղանք կանխատեսելի «պասերով» խաղին, երբ մեկը իբր անհարմար դիրքից փոխանցումներ է կատարում, իսկ մյուսը՝ դատարկ ու անպաշտպան դարպասին գոլեր է խփում։

Փաշինյանի կողմից մատուցվող նյութի իրավական եւ քաղաքական որակը թողնում եմ մի կողմ։ Հերթական անարժեք ширпотреб: Պարզ է, որ նա ընտրել է մի քանի կեղծ թեզ, որոնք պարտադիր կերպով եւ հետեւողականորեն հրամցնելու է ժողովրդին։

Հեռախոսային արդարադատության գուռուն, ուժայիններով այլախոհերին սպառնացող սենսեյը, քաղաքական հետապնդումների սեւ գոտին սրբադիմակ գայլահոգին առանց ամաչելու խոսում է արդարության եւ արդարադատության մասին։

Ատելության եւ անհանդուրժողականությանը նվիրված հատվածը ընդհանրապես զավեշտ էր։ Փաատորեն, օրինակ, ես ինքս եմ մեղավոր դագաղների, սեւ ժապավենների, շնաբարո թաթիկների, ֆեյքային ասֆալտափռումների, պատերին ծեփվող վնգստոցների եւ այլ նմանատիպ արտաթորանքի համար։

Այս բացատրությունները ոչնչով չեն տարբերվում Հիտլերի կողմից հրեաներին, կամ երիտթուրքերի կողմից՝ հայերիս թիրախավորելու հիմնավորումներից։

Հոկտեմբերի 27-ի ակնարկը պարզապես անբարո էր, ռուսի ասած՝ дно.

Հաջորդիվ Նիկոլը բացահայտեց նաեւ Վենետիկի հանձնաժողիվի կոռումպացված լինելու մասին իշխանական պատգամավորների մեղադրանքների շան գլուխը։

Ղարաբաղի մասով հիմա չխոսեմ, առանձին թեմա է։

Իրականում լուրջ հարցազրույցի ձեւաչափը քոնը չի։ Քոնը ղժղժան քարոզարշավն է»,-նշել է նա։

Այս թեմայով Դադարեք մարդկանց դիտարկել որպես ձեր քաղաքական ակցիաների թնդանոթային միս. Աշոտյանը՝ Փաշինյանին «ԱԳՆ, ձեր պատգամավորների համար հատուկ կուրսեր կազմակերպեք». Աշոտյան Փաշինյանի եւ Ալիեւի ելույթներից իրականում մենք գրեթե ոչինիչ չիմացանք բանակցային բուն նյութի մասին. Արմեն Աշոտյան Ադրբեջանից ավելի ժողովրդավար լինելը չի տալիս շոշափելի առավելություն իրական քաղաքականության մեջ. Աշոտյան «Ուշադիր կլինեք, հաջորդ հանդիպումների ժամանակ բումերանգի էֆեկտ չստանանք. Նման դրվագները դժվար են մարսվում». Աշոտյան