էներգետիկ շուկայի ազատականացման ծրագիրը ներկայացվել է կառավարություն
Հայաստանի էլեկտրաէներգետիկական շուկայի ազատականացման և միջպետական առևտրի խթանման նպատակով իրականացվող միջոցառումների ծրագիր-ժամանակացույցը նախատեսված ժամկետում ներկայացվել է կառավարության քննարկմանը։ Սահմանված ժամանակացույցի համաձայն, փաստաթուղթը պետք է ներկայացվեր մինչև մայիսի 31-ը։
ՀՀ էներգետիկ ենթակառուցվածքների և բնական պաշարների նախարարության աշխատակազմի էներգետիկայի վարչության պետ Հայկ Բադալյանի փոխանցմամբ, ծրագիր-ժամանակացույցի հետ միաժամանակ կառավարության հաստատմանն է ներկայացվել նաև «Էներգետիկայի մասին» օրենքում փոփոխություններ և լրացումներ կատարելու մասին օրենքի նախագիծը, որով իրավական պայմաններ կստեղծվեն շուկայի ազատականացման ու միջպետական առևտրի զարգացման համար։ Օրինագծով միաժամանակ հստակեցվում են շուկայի մասնակիցների գործառույթները։
Կառավարության կողմից հաստատվելուց հետո, կսկսվի ծրագիր-ժամանակացույցով պլանավորված միջոցառումների իրականացումը։ Դրանք ներառում են մասնավորապես էլեկտրաէներգետիկական մեծածախ և մանրածախ շուկաների աստիճանական ազատականացումը խթանող դրույթների սահմանման, մատակարարման և բաշխման գործառույթների տարանջատման, առանց լիցենզավորման էլեկտրաէներգիայի արտահանման ու ներկրման գործունեության կարգավորման, շուկայում երրորդ կողմի մուտքի ոչ խտրական իրավունքի երաշխավորման և մի շարք այլ խնդիրներին վերաբերող հարցեր։
-Ծրագիր-ժամանակացույցով նախատեսված միջոցառումների իրականացումը թույլ կտա առաջիկա 3-4 տարիների ընթացքում աստիճանաբար ազատականացնել ներքին էլեկտրաէներգետիկական շուկան և խթանել փոխշահավետ միջսահմանային առևտուրը: Այն կնպաստի Հայաստանի էլեկտրաէներգետիկական համակարգի գործունեության արդյունավետության բարձրացմանը,-ասել է Հայկ Բադալյանը։
ՀՀ էներգետիկ ենթակառուցվածքների և բնական պաշարների նախարարության
Տեղեկատվության և հասարակայնության հետ կապերի բաժին
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Արսեն Զախարյանի տրանսֆերային արժեքն աճել է