Զիդան. ՉԼ-ի եզրափակչում միմյանց կհանդիպեն երկու գերակումբներ

Մադրիդի «Ռեալի» գլխավոր մարզիչ Զինեդին Զիդանը խոսել է Չեմպիոնների լիգայի խաղարկության եզրափակչի շրջանակում կայանալիք Թուրինի «Յուվենտուսի» հետ հանդիպման մասին:

««Յուվենտուսը» շատ լավ է պաշտպանվում և շատ է գրոհում, սակայն եզրափակչում դա այդքան էլ էական չէ: Այս տարի եզրափակչում միմյանց կհանդիպեն գերակումբներ: Ինչպես միշտ երկրպագուներին սպասվում է հրաշալի հանդիպում:

Մեզ համար դա կլինի մրցաշրջանի վերջին հանդիպումը: Այդ խաղն անչափ կարևոր է մեզ համար: Պատրաստվելու ենք հանդիպմանը մեծ պատասխանատվությամբ:

Ուրախ ենք, որ դուրս ենք եկել մրցաշարի եզրափակիչ: Գիտենք, թե որքան դժվար է դա, սակայն մենք քրտնաջան աշխատել և վաստակել ենք այն: Մեր թիմում ամեն ինչ կարգին է:

Առջևում չորս օր կա` չորս մարզում»,- Զիդանի խոսքն է մեջբերում «Football Italia»-ն:

tert.am