Ի՞նչ է փոխվել, որ համանախագահները ոչ դիվանագիտական ձևակերպում են օգտագործում․ Ֆարմանյան

Իսկ ի՞նչ է փոխվել, որ համանախագահները կոնֆիդենցիալության մասին նման, կարելի է ասել, ոչ դիվանագիտական ձևակերպում են օգտագործում։ Այս մասին ֆեյսբուքյան իր էջում գրել է ՀՀԿ-ական նախկին պատգամավոր Սամվել Ֆարմանյանը։

«ԵԱՀԿ Մինսկի խմբի համանախագահները վերահաստատեցին հակամարտության խաղաղ կարգավորման ուղղությամբ կողմերին աջակցելու և կարգավորման գործընթացի կոնֆիդենցիալության սկզբունքի հանդեպ իրենց լիակատար հանձնառությունը»:

...կոնֆիդենցիալության սկզբունքի հանդեպ լիակատար հանձնառություն... Ի՞նչ.... Երբե՜ք, երբե՜ք նման բան չի ասվել... բանակցությունների ողջ պատմության ընթացքում: Ողջ:

Իսկ ի՞նչ է փոխվել, որ համանախագահները նման, կարելի է ասել, ոչ դիվանագիտական ձևակերպում են օգտագործում: Հիշեցի մեկին, ով ասուլիսների ժամանակ սիրում է տարբեր քրեական գործերի մանրամասներ պատմել, ոտնատակ տալով օրենքի պահանջը: Երևի ԵԱՀԿ միջնորդներն էլ են հասկացել, որ գործընթացում ներգրավված է մեկը, ով տեսախցիկներ տեսնելիս կորցնում է ինքն իրեն ու սկսում է պատմել ոչ միայն այն ամենն, ինչ իրական է, այլև իրականի տեղ մատուցելով պահի տակ մտքի փչածը` ամեն անգամ հիմար վիճակում դնելով իր հնարավոր բոլոր ենթականերին ու գործընկերներին` թե՛ ներսում, թե՛ դրսում:

Ամեն ինչ օբյեկտիվ է` լիակատար պահպանել կոնֆիդենցիալությունը: Ես ԵԱՀԿ միջնորդ համանախագահներին լրիվ հասկանում եմ: Լրիվ»,-նշել է նա: