Փաշինյանին հաջողվեց ապահովել «Ղարաբաղի ադրբեջանական համայնքի» սուբյեկտայնությունը. Անդրանիկ Թևանյան
Փաստորեն, Փաշինյանին չհաջողվեց Ղարաբաղին նստեցնել բանակցային սեղանի շուրջը, բայց փոխարենը նրան հաջողվեց ապահովել «Ղարաբաղի ադրբեջանական համայնքի» սուբյեկտայնությունը։ Այս մասին գրել է «Պոլիտէկոնոմիա» հետազոտական ինստիտուտի տնօրեն Անդրանիկ Թևանյանը:
«Ինչպես Փաշինյանը գործոն դարձրեց «Ղարաբաղի ադրբեջանական համայնքին»
Նիկոլ Փաշինյանի՝ «Ղարաբաղը պետք է նստի բանակցային սեղանի շուրջը» ծրագրի շրջանակներում Ադրբեջանում ԱՄՆ դեսպանը հանդիպել է Ղարաբաղի, այսպես կոչված, ադրբեջանական համայնքի ներկայացուցիչների ղեկավարի հետ։
Հիշեցնենք, որ ԱՄՆ–ը հանդիսանում է համանախագահող երեք երկրներից մեկը։
Ուշագրավ է, որ «Ղարաբաղի ադրբեջանական համայնքի» հետ հանդիպումը տեղի է ունեցել ԱՄՆ դեսպանի նախաձեռնությամբ և կազմակերպվել Մնացականյան–Մամեդյարով հանդիպմանն ընդառաջ։
Ի դեպ, Հայաստանի ու Ադրբեջանի արտգործնախարարների ժամեր տևած բանակցությունը, որին հայկական կողմը համառորեն տալիս է «հանդիպում» ձևակերպումը, կայանում է Նիկոլ Փաշինյանի այն հայտարարության ֆոնին, որ հակամարտության հետ կապված սեղանին որևէ փաստաթուղթ դրված չէ։ Ստացվում է, որ Մնացականյանը միջնորդների ներկայությամբ 7 ժամ շարունակ զրուցել է ոչնչի մասին։
Փաստորեն, Փաշինյանին չհաջողվեց Ղարաբաղին նստեցնել բանակցային սեղանի շուրջը, բայց փոխարենը նրան հաջողվեց ապահովել «Ղարաբաղի ադրբեջանական համայնքի» սուբյեկտայնությունը։
Ադրբեջանական դիվանագիտությունը, օգտվելով Փաշինյանի էկլեկտիկ ու պոպուլիստական քայլերից, նույն հարթության մեջ է դնում Ղարաբաղը և «Ղարաբաղի ադրբեջանական համայնքին»։
Հ.Գ.։ Եթե «Ղարաբաղի ադրբեջանական համայնքի» ներկայացուցիչների հետ հանդիպեր ՌԴ դեսպանը, ապա Հայաստանում գործող թուրքական 5–րդ շարասյունը, որը թաքնված է «ծովից ծով Հայաստան» պահանջողների, արևմտամետիստների, «քաղաքացիականների», «բնապահպանների» և ՀՀ–ում ՌԴ ռազմաբազայի դեմ հանդես եկող մյուս սուբյեկտների դիմակի տակ, տիեզերական աղմուկն կբարձրացնեին, թե բա, հարա՜յ, հասե՜ք, Ռուսաստանը հարվածում է Հայաստանին ու դավաճանում։
Հակառուսական հիստերիան կոմերցիոն տեսանկյունից ձեռնտու է։ Հա՛մ պատվիրատուն է գոհ մնում, հա՛մ կատարողը»,- գրել է նա։
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Պարզեցվել է անհատական բնակելի տների կառուցման գործընթացը
Գյումրու գլխավոր ճարտարապետը մեղադրյալի աթոռին է՝ կաշառք ստանալու, պաշտոնեական կեղծիքի համար
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Իրանի հարստացված ուրանի պաշարները միջուկային օբյեկտների փլատակներում են
Հայաստանում 2025 թվականի ընթացքում արտադրված էլեկտրաէներգիայի 14%-ը բաժին է հասնում արևային կայաններ...
Նեթանյահուն վստահ չէ, որ Իսրայելի և ԱՄՆ-ի գործողություններից հետո իրանցիներն իշխանափոխություն կանեն