Երեկվա տրագիկոմեդիան նրա մասին էր, որ Փաշինյանն ընդունեց, որ իր իշխանությանը մենք սպառնում ենք. Նարեկ Սամսոնյան (տեսանյութ)

Կարծում եմ, որ Հայաստանում չկա մի մարդ, որ երեկ մեր նկատմամբ տեղի ունեցածը չհամարի քաղաքական հրահանգի հետևանք. անգամ՝ ովքեր ուրախացել էին, որ մեզ «պոլերին էին տալիս»:

Այս մասին ֆեյսբուքի իր էջում ուղիղ եթերի ժամանակ ասաց «Քաղաքացիական գիտակցություն» ՀԿ նախագահ Նարեկ Սամսոնյանը:

Հիշեցնենք, որ երեկ Ոստիկանությունը նախ բերման էր ենթարկել «ՎԵՏՕ» հասարակական-քաղաքական շարժման ղեկավար Նարեկ Մալյանին, այնուհետև՝ Ադեկվադ միաբանության անդամներին, իսկ օրվա ավարտին՝ «Քաղաքացիական գիտակցություն» ՀԿ նախագահ Նարեկ Սամսոնյանին:

Նարեկ Սամսոնյանի խոսքով, դժվար է պատկերացնել, որ իր մոտ կլինի ապօրինի զենք-զինամթերք, իսկ Արթուր Դանիելյանի մոտ, որն անգամ չի ծխում, կարող էր լինել թմրադեղ:

«Դա գիտեն բոլորը և շատ ծիծաղելի էր երեկ տեղի ունեցածը: Այս տրագիկոմեդիան այն բանի մասին էր, որ ՀՀ իշխանությունը վերջնականապես ընդունեց մեր իրական լեգիտիմությունն իրեն ընդդիմադիր լինելու և իշխանությանը սպառնալու հանգամանքը: Նիկոլ Փաշինյանն ընդունեց, որ իր իշխանությանը մենք սպառնում ենք»,- ասաց Սամսոնյանը:

Նրա խոսքով, երբ ձերբակալել էին Նարեկ Մալյանին, ինքը զանգ է ստացել և ասել են, որ հաջորդն ինքն է և թող դուրս չգա գրասենյակից: Սամսոնյանն ասաց, որ իրենք կանխորոշել են, թե որտեղ կարող են լինել ոստիկանները, և ինքը կարողացել է շրջանցել ու հասնել 6-րդ վարչություն:

«Վարչության դիմաց մարդիկ կային, որոնք իրար փոխարինելով հետևում էին, որ հանկարծ ինչ չվերցնեն, բայց ես տղերքին խնդրում էի, ասում էի տղերք եկեք ինձ մի պահեք, թողեք բռնեն, որ շուտ պրծնենք, ավելի լավ է բոլորով լինենք բերման ենթարկված, որ հետո նորից չգաք»,- ասաց Սամսոնյանը:

Նա հավելեց նաև, որ երբ բերման ենթարկվածներին ազատ արձակեցին, ինքը իրավապաշտպան Ռուբեն Մելիքյանի մեքենայով հասավ գրասենյակ, և ոստիկանները կրկին նրան բերման չենթարկեցին, չնայած որ տեսել էր բազմաթիվ ոստիկանների: Փոխարենը, տան մոտից իրավապահները նրան բերման ենթարկեցին:

«Երբ ինձ պառկեցրին գետնին, բարձրաստիճան մի ոստիկան սկսեց նկարել ինձ, եղբայրս հարցրեց «Նիկո՞լն է ասել նկարեք», պատասխանեցին, որ Նիկոլ չի, Ձեզ համար պարոն Փաշինյան է, այդ ընթացքում ես սկսեցի խոսել, որը ոստիկանության աշխատակիցների համար ձեռնտու չէ ու ընդհանրապես պլանավորած չէ, որ կադրում պետք է նման խոսք և նրանք սկսեցին ձեռքով բերանս փակել»,- պատմեց Նարեկ Սամսոնյանը:

Նա հավելեց, որ ոստիկանության կողմից առանձնակի դաժանություն չի եղել, այսուհանդերձ, երեկվա տեղի ունեցածից հետո, բազմաթիվ քաղաքացիների մոտ Նիկոլ Փաշինյանի հանդեպ զզվանք է առաջացել:

Սամսոնյանը դիմեց նաև Մարդու իրավունքների պաշտպան Արման Թաթոյանին, նշելով, որ վերջինս օրեր առաջ հայտարարություն էր տարածել, որտեղ դատապարտում էր Փաշինյանի ընտանիքի անդամների թիրախավորումը:

«Ի զարմանս ինձ, ես չտեսա թիրախավորման գոնե մի օրինակ, ու ընդհանրապես, եթե մարդը քաղաքականությամբ է զբաղվում ուրեմն այդ մարդուն կարելի է քննադատել և դա թիրախավորել չէ: Պարոն Թաթոյան ինչու գնահատական չեք տվել, օրինակ ինձ երել ոչ մեկ չի այցելել Մարդու իրավունքների պաշտպանի գրասենյակից: Ես սպասում եմ որ երեկվա «բեսպրեդելի» մասին հրապարակային գնահատականներ հնչեցնեք: Երեկ խիստ անհամաչափ գործողություներ է եղել, բաժնում չեն հարգել մեր իրավունքները, ես նվազագույնը 30 րոպե ձեռնաշղթաներով եմ մնացել: Ինձ ե՞րբ են հրավիրել ու ես չեմ ներկայացել, կամ ես երբ եմ դիմադրություն ցույց տվել որ գետնին են պառկեցրել: Սա մարդու իրավունքների կոպիտ խախտում է»,- ասաց Սամսոնյանը:

Նրա խոսքով, ՀՀ-ում չի եղել իրական ընդդիմադիր քաղաքական ուժ, որը երեկ տեղում արձագանքած չլինի այս դեպքին: Սակայն ԲՀԿ-ից ոչ մի արձագանք չեն ստացել:

«Տիկին Զոհրաբյան, Դուք ԱԺ մարդու իրավունքների պաշտպանության մշտական հանձնաժողովի նախագահն եք: Ո՞ւր է Ձեր ֆրակցիայի կարծիքը, միայն Արման Աբովյանի այդ գրա՞ծն էր, է՞ն որ «կես նալին, կես մեխին խփած» գրառո՞ւմ էր: Դուք չեք հասկանում, որ ձեր չխոսելը Ձեզ վերջնականապես սպանում է: Դուք չե՞ք հասկանում, որ եթե վաղը մյուս օր մեր աջակցությունը չունենաք, նիկոլ Փաշինյանը Ձեզ ուտելու է: Բա Դուք ասելու բան չունե՞ք, ԲՀԿ-ի համար սա նորմա՞լ էր: Ես առաջինը Ձեր գնահատականին էի սպասում»,- ասաց Նարեկ Սամսոնյանը

Մանրամասները՝ տեսանյութում