«Արդշինբանկից» եւ Ռոբերտ Քոչարյանից այդպես էլ ներողություն չխնդրեցին
Երեկ ֆեյսբուքյան գրառմամբ ՀՀ վարչապետ Նիկոլ Փաշինյանը տեղեկացրեց, որ «Արդշինբանկը» Հայաստանի պատմության համար աննախադեպ ծավալի՝ 300 միլիոն դոլարի եվրոբոնդ է թողարկել, աննախադեպ ցածր՝ 6.5 տոկոսով:
«Թողարկված եվրոբոնդերի պահանջարկը եղել է 200 միլիոն դոլարով ավելի: Իսկ ձեռքբերած ներդրողները շուրջ 70-ն են: Սա մեր տնտեսության մեջ կատարված ուղիղ օտարերկրյա ներդրում է: Սա տնտեսական հեղափոխության վառ արտահայտություն է»,- ավելացրել է Փաշինյանը:
Եւ ոչ մի խոսք այն մասին, որ այս բանկը Ռոբերտ Քոչարյանինն է կամ նրա ընտանիքինը: Ոչ մի խոսք, քանի որ դա իրականությանը չի համապատասխանում: Բայց հիշենք, թե քանի-քանի անգամ, ինչքան երկար ժամանակ լուրեր էին, տարածում, համառ լուրեր, որ այս բանկը պատկանում է Քոչարյանին:
Քանի-քանի հոդված, լուր է գրվել այդ մասին, քանի-քանի հանրահավաքում է տարածվել այս սուտը: Այս մասին գրել է եւ «Հայկական ժամանակը», ասյ մասին հայտարարվել է Փքաշինյանի մասնակցությամբ հանրահավաքներում, իսկ դրանից առաջ նաեւ Լեւոն-Տեր-Պետրոսյանի մասնակցությամբ հանրահավքներում:
Բացի այդ քանի-քանի հոգու մասին են այսպես սուտ լուրեր տպագրվել նույն «Հայկական ժամանակում» թունավորելով մարդկանց կյանքը, թյուրիմացության մեջ գցելով տասնյակ, հարյուր հազար քաղաքացիների:
Նույնիսկ Սմբատ Կարախանյանի միջոցով հասել են ռուսաստանյան լրատվամիջոցներ, գումարներ ծախսել այս սուտն ավելի շատ տարածելու համար, ընդ որում, գումարն էլ, ինչպես պնդում են ամերիկյան գաղտնազերծված աղբյուրները, տալիս էր ընդդիմադիր հայացքներով հայտնի մի օլիգարխ:
Եւ այս ամենի համար որեւէ մեկը ներողություն չխնդրեց: Ոչ ոք չի էլ մտածում ներողություն խնդրելու մասին նույնիսկ հիմա, երբ վաղուց արդեն ապացուցվել եւ հերքվել են լուրերը, թե «Արդշինբանը» եւ շատ այլ բանկեր պատկանում են Ռոբերտ Քոչարյանին եւ նրա ընտանիքին:
Նույնիսկ «Արդշինբանկը» հանդես եկավ հայտարարությամբ, պաշտոնապես հայտարարելով, որ ոչ Ռոբերտ Քոչարյանը, ոչ նրա հետ փոխկապակցված անձինք, երբեւէ չեն հանդիսացել «Արդշինբանկի» բաժնետոմսերի սեփականատեր: Վերոնշյալ տեղեկատվությունը հաստատելու համար Բանկը պատրաստակամություն էր հայտնել ներկայացնել Բանկի բաժնետերերի վերաբերյալ համապատասխան տեղեկանք ՀՀ կենտրոնական դեպոզիտարիայից:
Նույնատիպ հայտարարությամբ հանդես եկան այլ բանկեր եւս, բայց ներողություն խնդրելու մասին որեւէ մեկը չմտածեց: Չեն մտածում նաեւ այսօր, երբ հպարտանում են բանկի թողարկած եվրոբոնդերով:
Վարդան Մխիթարյան
Top-News.am
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Ստեփանծմինդա-Լարս ավտոճանապարհը փակ է
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել