Ամենալավ ազգը լեննականցիք են. գյումրեցիները գլուխ գովելով՝ տոնում են «Շիրակի» հաղթանակը
Հայաստանի գավաթի 2016-2017 մրցաշրջանի խաղարկության եզրափակչում «Շիրակը» խոշոր հաշվով հաղթեց «Փյունիկին»:
Թիմը 3 անպատասխան գնդակ ուղարկեց մրցակցի դարպասը: Հաշիվը 6-րդ րոպեին բացեց գյումրեցիների հարձակվող Կիրիան Նվաբուեզեն: 28-րդ րոպեին Վահան Բիչախչյանը կրկնապատկեց իր թիմի առավելությունը: 38-րդ րոպեին Նվաբուեզեն իր հաշվին դուբլ ձեւակերպեց:
Հանդիպման 2-րդ խաղակեսում 2 թիմերն էլ ակտիվ էին եւ հաջողության հասնելու հնարավորություններ ունեցան, սակայն դարպասի նոր գրավում չարձանագրվեց: 0:3, եւ «Շիրակը» դարձավ Հայաստանի գավաթակիր:
Առաջին անգամ գյումրեցիները Հայաստանի գավաթակիր են դարձել 2011-2012 մրցաշրջանի խաղարկությունում: Այս հաղթանակը գյումրեցիների կողմից մեծ ոգեւորությամբ ընդունվեց, վերջիններս ֆեյսբուք սոցիալական ցանցում եւ Գյումրու փողոցներում չզսպեցին իրենց ոգեւորությունը:
Այսօր գյումրեցիների շրջանում նախ հետաքրվեցինք, թե արդյո՞ք տեղյակ են, թե նախորդ օրը «Շիրակը» որ թիմի հետ է մրցել:
«Ես ստադիոնից եմ խաղը նայել, շատ ուրախ եմ, որ մեր թիմը 3-0 հաղթեց «Փյունիկին»: Միշտ նոր հաղթանակներ եմ ցանկանում»,- ասաց մեր զրուցակիցը:
«Ճիշտն ասած չգիտեմ, թե ում հետ է խաղացել, բայց ֆեյսբուքում ընկերներս գրում էին, որ հաղթել է: Չեմ հիշում, թե ինչ հաշվով է կրել, բայց ուրախ եմ, որ մեր քաղաքի թիմը հաղթել է»,- ասաց գյումրեցի աղջիկներից մեկը:
Ընդգծենք, որ մեր զրուցակիցներից շատերը տեղյակ էին «Շիրակի» հաղթանակից:
«Ես ֆուտբոլ նայել չեմ սիրում, իմ ներվերի վրա ազդում է այդ խաղը, որ տանը նայում են: Դրա համար տեղյակ չեմ, թե ինչ է տեղի ունեցել»,- նշեց մեկ այլ քաղաքացի:
«Ես ֆուտբոլ նայում եմ այն ժամանակ, երբ մեր Հենոն է խաղում, մյուսների խաղը ինձ հետաքրքիր չէ: Գիտեմ, որ երեկ իր խաղն է եղել ու նա էլ է հաղթել, եթե ասում եք, որ Շիրակն էլ է հաղթել, ուրեմն շատ լավ է երկու հաղթանակ միանգամից»,- նման կարծիք հայտնեց մեր մյուս զրուցակիցը:
«Շիրակի» հաղթանակը, թերեւս առիթ է հանդիսացել, որ գյումրեցիները սովորության համաձայն սկսեն գլուխ գովել: Այս առումով կարծիքների պակաս չեղավ:
«Հա բայց լեննականցիք ուրդեղ չեն հաղթե կամ չեմպիոն դարձե, որ ֆուտբոլը չհաղթեին: Շիրակի, Հենոյի ցավն էլ տանինք, որ երեկ հաղթեցին, մենք ամենալավ ազգն ենք, հատկապես լեննականցիք»,- կատակելով եզրափակեց մեր զրուցակիցը:
Դավիթ Գասպարյան
Գյումրի
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ