Ո՞վ էր բանակը ներքաշում քաղաքական պայքարի մեջ
«Մանվել, Մանվել», «Գագիկ, Գագիկ» վանկարկումները շատերը հիշում են, շատերն էլ տեղյակ են այդ մասին: 2008-ի փետրվարյան հանրահավաքների ժամանակ շատ ռեալ էր բանակի մի մասի, երկրապահ կամավորների ներքաշումը քաղաքական պայքարի մեջ:
Հիմա, երբ Վիկիլիքսի հրապարակումներով հնարավոր դարձավ ծանոթանալ շատ փաստաթղթերի հետ, պարզ դարձավ, որ 2008-ի իրադարձությունները, մասնավորապես ԵԿՄ-ի եւ բանակի ներքաշման փորձերը արձանագրել են նաեւ Հայաստանում ԱՄՆ դեսպանության պատասխանատուները եւ դրանք փոխանցել պետքարտուղարությանը:
Դեռ փետրվարի 12-ին ամերիկացի դիվանագետները ուշադրություն են դարձրել, որ ԵԿՄ-ի հեղինակավոր եւ հարուստ ներկայացուցիչները սկսել են աջակցել Լեւոն Տեր-Պետրոսյանին: ԱՄՆ դեսպանության եւ պետքարտուղարության հետընտրական ժամանակահատվածի գրագրությունը եւս մեկ անգամ վկայում է, որ մտադրություն է եղել ԵԿՄ-ի եւ պաշտպանության նախարարության ուժերի մի մասը ներքաշել քաղաքական պայքարի մեջ՝ իշխանությունը գրավելու համար:
Վիկիլիքսի հրապարակումներից պարզ է դառնում նաեւ, որ ամերիկյան դեսպանությունը տեղյակ է եղել, որ Լեւոն Տեր-Պետրոսյանը մտադիր է նախընտրական եւ հատկապես հետընտրական պայքարի մեջ ներքաշել նաեւ այն ժամանակ ԵԿՄ նախագահ եւ պաշտպանության փոխնախարար Մանվել Գրիգորյանին:
Շեշտենք, սրանք ոչ թե ներհայաստանյան քաղաքական ուժերից մեկի գնահատականներն ու դիտարկումներն են, այլ ամերիկյան կողմի, որը շատ բանի մասին է վկայում: Ամերիկացիները դեռ մինչ ընտրություններն արդեն հասկացել էին, որ Լեւոն Տեր-Պետրոսյանի նպատակը փողոցային պայքարն է եւ նա ընտրությունների վրա հույս չի դնում:
Այս ամենը ընդամենը մեկ անգամ եւս հուշում է, որ իրական է եղել ռազմական հեղաշրջման վտանգը, իրական է եղել քաղաքացիական պատերազմի վտանգը, եւ այսքանից հետո Ռոբերտ Քոչարյանին մեղադրել սահմանադրական կարգը տապալելու մեջ, արդեն իսկ առնվազն տարօրինական եւ անտրամաբանական է: Ակնհայտ է, որ Մանվել Գրիգորյանը եւ նրա ղեկավարած ուժերը ներգրավելով քաղաքական պայքարին հոդվածներ կամ հարցազրույցներ չէին տալու, ոչ էլ խաղաղ հանրահավաքներ կազմակերպեին:
Այն, ինչ արել է Ռոբերտ Քոչարյանը, ստիպված լինելով արտակարգ դրություն մտցնել, ընդամենը եղել է պատասխան տեղի ունեցող եւ ոմանց կողմից հրահրվող գործողդություններին: Սա է իրականությունը, որը հաստատում են նաեւ ամերիկյան պաշտոնյաների միջեւ այն ժամանակ եղած եւ հետո հրապարակված փաստաթղթերն ու գրագրությունը:
Վահրամ Գեւորգյան
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Արսեն Զախարյանի տրանսֆերային արժեքն աճել է
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Եվրամիությունը չի հասկանում Իրանում պատերազմի նպատակները. Կալաս