Թվերով ապրող երկիրը
Առանց մասնագետների օգնության էլ ՀՀ քաղաքացիները հասկանում են, որ երկրում գոյություն չունի այնպիսի տնտեսական աճ, որը դրական է ազդել նաեւ իրենց կենսամակարդակի վրա: Բանկերի կողմից սպառողական վարկերի կտրուկ աճը վկայում է հենց այդ մասին:
Բայց ամենացավալին այն է, որ ինչպես պնդում են բարձրակարգ տնտեսագետները, նույնիսկ 6.5 տոկոսանոց տնտեսական աճը, որի մասին հայտարարում են նորաթուխ իշխանությունները՝ չի համապատասխանում իրականությանը: Պարզվում է տնտեսական աճը հազիվ 3-3.5 տոկոսի սահմաններում է, ինչը բավական ցածր ցուցանիշ է:
Տնտեսական հեղափոխություն անող երկրի համար ցածր է նույնիսկ 6.5 տոկոսանոց աճը, բայց այստեղ բախվում ենք երկու խնդրի հետ՝ տնտեսական ծանր իրավիճակի եւ իշխանությունների կողմից իրականության կեղծման հետ:
Խորհրդային իշխանությունների նման գործող կառավարիչները հույսը դրել են բացառապես քարոզչության, մարդկանց ուղեղները լվանալու վրա եւ անդադար պնդում են, ներշնչում, թե ազգաբնակչության կյանքը լավացել է: Անշուշտ, մի որոշ շրջան կգտնվեն մարդիկ, այն էլ շատ, որոնք կհավատան, որ իրենց կյանքը փոխվել է: Ի վերջո, ինչպես ժամանակին ասում էր Պոզները, ժամանակակից աշխարհում, եթե կես տարի շարունակ հեռուստացույցով տղամարդու հետույք ցուցադրեն, պնդելով, թե այն ամենաիդեալական դեմքն է, մարդկանց առնվազն վաթսուն տոկոսն ամեն ինչ կանի, որ իրենց դեմքը նմանվի ցուցադրվող հետույքին:
Հիմա էլ, երբ անդադար կրկնում են, պնդում, որ կյանքը լավացել է, փոխվել, որ կոռուպցիա չկա, որ տնտեսական հեղափոխություն է, ապա կգտնվեն մարդիկ, որոնք կարող է անգամ հավատան, որ իրենք սկսել են շաքարավազի ներկրմամբ զբաղվել կամ զբաղված են կոշիկի արտադրությամբ:
Մասնագետները կարող են չհուշել, թե ինչ իրավիճակ է ներդրումային դաշտում: Առանց նրանց օգնության էլ պարզ է, որ ներդրում, որպես այդպիսին, գոյություն չունի: Այսուհանդերձ, երբ տնտեսագետներն էլ պնդում են, որ ներդրումների մասին ցուցանիշները նույնպես սխալ են, քանի որ ընտրված է հաշվարկի սխալ մեթոդաբանություն, հասկանում ես, թե մեղմ ասած, ինչ խորը հետընթացի մեջ է մեր բազմաչարչար երկիրը:
Պարզվում է, գործող իշխանությունները մարդկանց համոզելու համար, որ ժողովրդի եկամուտներն աճել են, վերցրել եւ հաշվարկել են նաեւ կուտակային կենսաթոշակը: Ինչպես ասում են՝ ձեռքերի ճարպկություն եւ ոչ մի խաբեություն:
Գրեթե ոչինչ չի փոխվել կամ ոչինչ չի փոխվել մաքսատան աշխատանքում, ինչի մասին վկայում են անգամ այն գործարարները, որոնք քարոզչության ազդեցության տակ համարում են, որ իրենց կյանքը փոխվել է: Թե ինչու մաքսատներում աշխատաոճը չի փոխվում, այդ մասին ավելի լավ կիմանան մաքսատան աշխոտողներին աշխատավարձ վճարողները եւ նրանց վերեւից հանձնարարական տվողները:
Ի դեպ, մի կարեւոր ցուցանիշի մասին, տնտեսական հեղափոխություն անող երկրում հարկերից հավաքվող եկամուտներն ավելացել են ընդամենը 70 մլրդ դրամով, որը մյուս տարի, ինչպես պնդում են շատ տնտեսագետներ, արդեն չի լինի:
Եւ եթե մի օր փողոցներում ծուռ հայելիներ դնեն, որին նայելիս մարդիկ երջանիկ կերեւան, առողջ, հպարտ եւ դուխով, արդեն չենք էլ զարմանա: Երբ իրական փոփոխություններ չեն լինում, օգնության է հասնում քարոզչությունը:
Հակոբ Ասատրյան
Top-News.am
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին