Կառավարության անակնկալները «հպարտ» եւ «արժանապատիվ» քաղաքացիներին
2020-ին կառավարությունը, կառավարող խմբակցության պատգամավորները մի շարք «հաճելի» անակնկալներ են պատրաստել բազմաչարչար, բայց արդեն «դուխով», «հպարտ», «արժանապատիվ», գուցե նաեւ «օրինագիտակից» քաղաքացիների համար:
Այսպես, գազը, այնուհամենայնիվ, կարծես թանկանալու է, եթե ոչ հունվարից, ապա ապրիլից, իր հետ բերելով շղթայական թանկացումներ: Այն կարծիքը, թե եթե նույնիսկ գազը թանկանա, ապա այն շարքային սպառողի վրա չի անդրադառնա՝ համոզիչ չէ, քանի որ պետությունը իր վրա նման բեռ չի կարող վերցնել:
Հիշեցնենք նաեւ, որ այս տարվա հունիսին խորհրդարանում երկրորդ ընթերցմամբ եւ ամբողջությամբ ընդունվել է Հարկային օրենսգրքում փոփոխություններ կատարելու նախագիծը եւ այն ուժի մեջ է մտնում հենց հունվարի 1-ից:
Ի՞նչ է սա ենթադրում: Սա իսկական անակնկալ է ՀՀ քաղաքացիների համար: Նրանք այսուհետ վճարելու են 23 տոկոս եկամտահարկ, սակայն յուրաքանչյուր տարի այն 1 տոկոսով էլ կնվազի, եւ 2023 թվականից կգործի 20 տոկոս եկամտահարկ:
2023-ից սկսած եկամտահարկի նվազեցում նախատեսված չէ: Այնպես չէ, որ 2050-ին արդեն եկամտահարկ չեն մուծելու:
Հիմա ամենամեծ անակնկալը. եթե այժմ հպարտ, եւ ոչ այնքան հպարտ քաղաքացին իր աշխատավարձից վճարում է 2.5 տոկոս պարտադիր վճար, իսկ պետությունը` 7.5 տոկոս, ապա աստիճանաբար 2023 թվականին այն կհավասարեցվի: Մասնավորապես, 2020 թվականից քաղաքացին կվճարի 3.5 տոկոս, հաջորդ տարի 4.5 տոկոս, իսկ արդեն 2023 թվականին` 5 տոկոս:
Մյուս գեղեցիկ եւ խորամանկ անակնկալի մասին: ՀՀ Ազգային ժողովը երկրորդ ընթերցմամբ եւ ամբողջությամբ ընդունեց ճանապարհային երթեւեկության կանոնակարգման բալային համակարգի ներդրման օրինագիծը՝ ընդամենը 57 կողմ, 35 դեմ եւ 3 ձեռնպահ ձայներով:
Եւ ահա պարզվում է, որ որ կառավարող ուժը, ժողովրդի սրտի պատգամավորներն ու նախարարները, փոխվարչապետներն ու վարչապետը որոշել են թաքուն անակնկալ մատուցել ավտոսիրողներին: Այսուհետ, երբ քաղաքացին ցանկանա բողքարկել իրեն տուգանելու որոշումը, ստիպված կլինի վճարել չորս հազար դրամ:
Ակնհայտ է, որ շատերը արդեն իսկ կնախընտրեն գլուխները կախ վճարել տուգանքները, հրաժարվելով ավելորդ չորս հազար դրամ վճարելուց:
Եւ եթե այս ամենին ավելացնենք, որ 2020-ից բազմաթիվ ապարանքատեսակներ թանկանալու են, ապա առավել ամբողջական կդառնա այն պատկերը, որը սպասվում է ՀՀ քաղաքացիներին:
Հակոբ Ասատրյան
Top-News.am
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...