Coca-Cola-ն կփոխի բաղադրատոմսը
Coca-Cola-ն եւ PepsiCo-ն պատրաստվում են մինչեւ 2024 թվականի վերջ ըմպելիքներում միջինը 10 տոկոսով պակասեցնել շաքարի պարունակությունը։ Այս մասին գրում է Դեմյան Կուդրյավցեւի ընտանիքին պատկանող «Վեդոմոստի» թերթը՝ հղում կատարելով Անալկոհոլ ըմպելիքների եւ հանքային ջրերի արտադրողների միությանը եւ ըմպելիքների մի շարք արտադրողների, տեղեկացնում է Lenta-ն։
Շաքարի պարունակության պակասեցումն ըմպելիքներում նախատեսված է Կամավորական պարտավորությունների վարքականոնում։ Բացի շաքարի պարունակության պակասեցումից, այն նախատեսում է ըմպելիքների տեսականու ոչ մեծ փաթեթներ (500 միլիլիտրից պակաս) եւ տեղեկատվության տեղադրում ըմպելիքի բաղադրության մասին՝ գնորդների համար հասկանալի ձեւով։
Միության մասնակիցները պատրաստվում են սահմանափակել իրենց անալկոհոլ ըմպելիքների գովազդումը։ Օրինակ, նրանք այլեւս չեն տեղադրի գովազդ հեռուստատեսությունում, ռադիոյով եւ տպագիր պարբերականներում, որոնց լսարանի կեսից ավելին 12 տարեկանից փոքր երեխաներն են։ Ընկերությունները նաեւ կհրաժարվեն ըմպելիքների անվճար բաժանումից դպրոցների եւ մանկական հաստատությունների մոտ։
Բացի Coca-Cola-ից եւ PepsiCo-ից, վարքականոնը պատրաստվում են ստորագրել IDS Borjomi Russia-ն, «Չեռնոգոլովկա» կառավարող ընկերությունը եւ «Հոլդինգ ակվան» («Եսենտուկիի» արտադրողը)։ Ինչպես պարզաբանել է միության ղեկավար Մաքսիմ Նովիկովը, փաստաթղթի գլխավոր անելիքը ռացիոնալ սպառման խթանումն է. թեեւ քաղցր գազավորված ըմպելիքները չեն սպառնում առողջությանը, բայց դրանք պետք է օգտագործել բանական ծավալներով։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...