Մոուրինյու. Այաքսը 12 օր կունենա վերականգնվելու համար, իսկ ՄՅՈւ-ն 3 խաղ կանցկացնի
«Մանչեսթեր Յունայթեդի» գլխավոր մարզիչ Ժոզե Մոուրինյուն մեկնաբանել է Եվրոպա լիգայի 1/2 եզրափակչի պատասխան խաղի արդյունքը «Սելտայի» հետ (1:1):
Մանկունիացիները, որոնք առաջին խաղում հաղթել էին հյուրընկալվելիս (1:0), դուրս եկան եզրափակիչ, որտեղ կմրցեն «Այաքսի» հետ.
«Մենք արժանիորեն էինք հաղթել առաջին խաղում, բայց չկարողացանք սպանել ինտրիգը: Մրցակիցը կարողացավ պայքարել մեզ հետ, և «Սելտայի» խաղացողներն արժանի են գովասանքի: 14 խաղից հետո «Յունայթեդը» դուրս եկավ եզրափակիչ: Եթե մենք հաղթենք Եվրոպա լիգայում, ես երջանիկ կլինեմ: Դա հիանալի կլիներ»,- ասել է Մոուրինյուն:
Պորտուգալացի մասնագետը նաև նշել է, որ ինքը չի տեսել Էրիկ Բայիի հեռացման դրվագը, բայց որ դա շատ մեծ կորուստ է իր թիմի համար.
«Չտեսա այդ պահը, բայց Բային հիանալի ֆուտբոլ ցուցադրեց: Զգացմունքներն առանցքային դեր խաղացին, և բոլորը չէ, որ կարողանում էին իրենց վերահսկել: Ռոնկալիան առաջին անգամ չէ նման իրավիճակների մասնակից դառնում, և, հավանաբար, Էրիկը չափազանց միամիտ էր:
Եզրափակչից առաջ մենք զրկվեցինք արժեքավոր խաղացողից այն դեպքում, երբ թիմը կազմի հետ կապված խնդիրներ ունի»:
«BT Sport»-ին տված հարցազրույցում Մոուրինյուն նաև կիսվել է «Այաքսի» հետ եզրափակիչ խաղից ունեցած սպասելիքներով.
«Այաքսի» հետ հեշտ չի լինի. սա երիտասարդ, ուժեղ թիմ է: Ամստերդամցիները 12 օր կունենան վերականգնման համար՝ իրենց երկրի առաջնության ավարտից հետո: Իսկ մենք այդ ընթացքում պետք է 3 խաղ անցկացնենք»:
Հիշեցնենք՝ «Մանչեսթեր Յունայթեդի» և «Այաքսի» միջև եզրափակիչը կկայանա մայիսի 24-ին Ստոկհոլմի «Ֆրենդս Արենա» մարզադաշտում:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա