Թբիլիսիում փոքր տղային դանակով վիրավորած կնոջը հարկադիր բուժման են ուղարկել
Թբիլիսիի քաղաքային դատարանը դադարեցրել է քաղաքի փողոցներից մեկում երեխաների վրա հարձակված Թամարա Սաձագլիշվիլիի հանդեպ քրեական հետապնդումը եւ նրան ուղարկել է հարկադիր բուժման, հայտնում է «Sputnik-Գրուզիա»-ն՝ հղում կատարելով «Առաջին ալիքին»։
Միջադեպը տեղի է ունեցել օգոստոսի 27-ի երեկոյան, Պեկինի փողոցում։ Համացանցում տարածվել է տեսանյութ, որտեղ հստակ երեւում է, թե ինչպես է Սաձագլիշվիլին մոտենում կողքով երկու երեխաների հետ միասին անցնող ամուսնական զույգին, հանում պայուսակից դանակը, մի քանի անգամ սահեցնում տղայի դեմքին եւ նույնը փորձում կատարել նրա քրոջ հետ, սակայն ծնողները հասցնում են փրկել նրան։
Քրեական գործի դադարեցման պատճառը դատաբժշկական փորձաքննության եզրակացությունն է, ըստ որի կինը հոգեկան խնդիրներ ունի եւ հանցանքը կատարելիս անմեղսունակ է եղել։
Սաձագլիշվիլիի փաստաբանի խոսքերով, եթե իր պաշտպանյալի վիճակը լավանա, նրան կարող են վաղաժամկետ բաց թողնել։
Հարձակումից մի քանի օր անց տուժած տղային դուրս են գրել հիվանդանոցից։ Նրա քթին եւ աջ այտին խորը վնասվածքներ են եղել։
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի