Եվրոպայի լիգա. Հենրիխ Մխիթարյանի վիճակագրությունը եւ գնահատականը

Whoscored.com-ը ներկայացրել է «Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանի վիճակագրությունը Վիգոյի «Սելտայի» դեմ Եվրոպայի լիգայի կիսաեզրափակիչի առաջին խաղում։

Իսպանիայում կայացած խաղում Հայաստանի հավաքականի ավագը դարպասի ուղղությամբ կատարել է 2 հարված, որոնցից մեկը ստացվել է դիպուկ: Մխիթարյանը կատարել է 35 փոխանցում՝ 65.7 տոկոս ճշգրտությամբ: 28-ամյա կիսապաշտպանը 1 անգամ հաղթել է օդային մենապայքարում, 1 անգամ շրջանցել մրցակցին ու 5 անգամ խլել գնդակը: Հենրիխը կանոնների խախտում թույլ չի տվել, իսկ նրա դեմ պայքարում մրցակիցը կանոնները խախտել է 2 անգամ: Արդյունքում՝ նա ստացել է 7.06 գնահատականը, իսկ «Մանչեսթեր Յունայթեդի» կազմում ամենաբարձրը գնահատվել է անգլիացի հարձակվող Մարկուս Ռեշֆորդի խաղը (7.83):

Հիշեցնենք, որ անգլիական ակումբը հաղթել էր նվազագույն հաշվով, իսկ հայ կիսապաշտպանը մեկնարկային կազմում հանդես էր եկել 77 րոպե: Պատասխան խաղը կկայանա մայիսի 11-ին Մանչեսթերում:

news.am

Այս թեմայով Մխիթարյանը կերտեց Ինտերի 5:1 հաշվով հաղթանակը Ադրբեջանը կարծես դեմ չէ, որ Մխիթարյանը խաղա Բաքվում Հենրիխ Մխիթարյանն ընդդեմ Ադրբեջանի չեմպիոնի «Արսենալ»-ը հաղթեց ՊՍԺ-ին. Մխիթարյանը մեկնարկային կազմում էր Մխիթարյանն առաջնությունն ավարտեց վեցերորդ տեղում