Բաքվում ԱՄՆ դեսպանատունը ստիպված է եղել արդարանալ
ԱՄՆ դեսպանատունը խստորեն դատապարտել է Ադրբեջանի կառավարամետ ԶԼՄ-ներում եւ հեռուստաալիքներում հայտնված այն տեղեկությունները, թե Բաքվում հոկտեմբերի 19-ին տեղի ունեցած ցույցերի հետեւում կանգնած է ԱՄՆ-ը, հաղորդում է contact.az-ը:
REAL հեռուստաալիքի եթերում նույնիսկ հեռարձակվել են Ազգային խորհրդի անդամ Գյուլտակին Հաջիբեյլիի, ԱՄՆ դեսպանատան աշխատակցի եւ ԵՄ առաքելության ներկայացուցչի հեռախոսազրույցի ձայնագրությունները: Հեռուստաալիքի հաղորդավար Միրշահին Աղաեւը դա ներկայացրել է որպես ԱՄՆ-ի ներգրավվածության եւ նույնիսկ ընդդիմության ցույցերի կազմակերպման ապացույց:
«ԱՄՆ-ի հասցեին ուղղված վերջին մեղադրանքները սուտ են եւ անհեթեթ: Մենք ողջունում ենք տվյալ հարցով հոդվածների հեռացումը: ԱՄՆ-ն աջակցում է անկախ, կայուն, բարգավաճող եւ ժողովրդավարական Ադրբեջանին անկախության հռչակման պահից: Վերջին 26 տարում մենք Ադրբեջանին 1,5 մլրդ դոլարի չափով օգնություն ենք տրամադրել՝ անվտանգության, առողջապահության, գյուղատնտեսության, քաղաքացիական հասարակության, տնտեսական զարգացման, տուրիզմի եւ կրթության ամրապնդման համար: Որպես ԵԱՀԿ Մինսկի խմբի համանախագահող երկիր ԱՄՆ-ը ձգտում է Լեռնային Ղարաբաղի հակամարտության խաղաղ կարգավորմանը: 1993-ից մենք ավելի քան 125 մլն դոլար ենք տրամադրել ադրբեջանցիներին, որոնք ստիպված են եղել հակամարտության արդյունքով լքել իրենց հողերը: Բարձր ենք գնահատում մեր գործընկերությունն ու բարեկամությունը Ադրբեջանի կառավարության եւ ժողովրդի հետ»,- ասել է Ադրբեջանում ԱՄՆ գործերի ժամանակավոր հավատարմատար Մայքլ Դիքերսոնը:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...