Ինչպես խաբել ժողովրդին եւ արժանանալ նույն ժողովրդի ծափերին
Ներդրումներ չկան, այստեղ դատարակություն է: Ժողովրդավարական բարեփոխումներ չկան, այստեղ «1937» է, տնտեսական հեղափոխություն գոյություն չունի, բայց ժողովրդին պետք է ինչ-որ բան ներկայացվի:
Խրոխտ կերպով հայտարարվեց, թե այսուհետ իռլանդական «Ryanair» ընկերությունը թռիչքներ է իրականացնելու դեպի Հռոմ, Միլան եւ Մյունխեն: Հայտարարվեց, թե տոմսերը շատ էժան են լինելու:
Հետո ֆեյսբուքում նույն այն մարդիկ, ֆեյքերը, որոնք միշտ նույն կամ գրեթե նույն մեկնաբանություններն են գրում, ոչխարի հոտի բառաչունի նման գրեցին, թե տեսեք սիրուն աղջիկ Տաթեւիկն ինչ արեց:
Իսկ ի՞նչ արեց: Ընդամենը համաձայնեց էժան թռիչքներ իրականացնող ավիաընկերության առաջադրած պայմաններին եւ համաձայնեց բյուջեի հաշվին փոխհատուցել օտարերկրյա ավիաընկերության ծախսերը: Յուրաքանչյուր ուղեւորի համար՝ մոտ 74 դոլար:
Էժան թռիչքներ իրականացնող ավիաընկերությունների հիմնական պայմաններից մեկն էլ այն է, որ իրենք ընտրում են էժան եւ փոքր օդանավակայաններ: Իշխանություններն ընտրեցին փոխհատուցելու տարբերակը: Եւ դա մատուցեցին որպես հերոսություն:
Եւ տպավորություն է, թե երեւանցիներն ու գյումրեցիներն ամիսը ամենաքիչը մեկ անգամ լինում են Մյունխենում կամ Բեռլինում, գուցե նաեւ Միլանում: Լավ, ենթադրենք ինչ-որ հրաշքով գյումրեցի Պողոսը կամ երեւանցի Պողոսը մուտքի վիզա ստացավ, հետո՞: Լավ, ասենք, մի հիսուն եվրո էլ հայթայթեց: Հետո՞: Ախր Միլանում կամ Մյունխենում հյուրանոցները թանկ են, շատ թանկ: Թանկ են նաեւ հոսթելները, թանկ է նաեւ սնունդը:
Հարց. ինչո՞ւ են հրճվում նրանք, ովքեր երբեւէ Միլան չեն գնացել եւ չեն էլ գնալու: Պատասխան՝ որովհետեւ այդպես է ուզում Նիկոլ Փաշինյանը, որովհետեւ ժանրի կանոններով այդպես էլ պետք է լինի: Իսկ որ իրենց հաշվին հատուկ ընտրյալներն են մեկնելու Միլան, նրանց դա արդեն չի հետաքրքրում:
Ահա այսպիսի տխուր պատմություն:
Աննա Բաղդասարյան
Top-News.am
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...