Ռոնալդու. «Ռեալը» ցուցադրեց անկրկնելի ֆուտբոլ
Մադրիդի «Ռեալի» առաջատար Կրիշտիանու Ռոնալդուն մեկնաբանել է «Աթլետիկոյի» նկատմամբ վստահ հաղթանակը Չեմպիոնների լիգայի կիսաեզրափակիչի առաջին խաղում: «Սանտյագո Բերնաբեու» ստադիոնում կայացած խաղում Արքայական ակումբը 3:0 հաշվով հաղթել էր պորտուգալացի հարձակվողի հեթ-տրիկի շնորհիվ:
«Պետք է շնորհավորել ամբողջ թիմին, որը պարզապես անկրկնելի խաղ ցուցադրեց: Մենք լավ խաղացինք առաջինից մինչեւ վերջին րոպեն, իսկ գոլերը դրա արդյունքն էին: Մենք արժանի էինք հաղթանակի: Եթե չլիներ Յան Օբլակը, կխփեինք ավելի շատ գոլեր:
Լավ առավելություն ունենք պատասխան խաղից առաջ, սակայն ոչինչ դեռ հայտնի չէ: «Աթլետիկոն» շատ ուժեղ թիմ է: Ինչ վերաբերում է ստադիոնի ծափահարություններին, ես պարզապես ցանկանում եմ, որ երկրպագուները չսուլեն: Այդ ժամանակ կշարունակեմ նրանց համար անել այն ամենը, ինչն իմ ուժերի սահմանում է»,- Ռոնալդուի խոսքը մեջբերում է AS-ը:
Հիշեցնենք, որ 32-ամյա Ռոնալդուն առաջին ֆուտբոլիստն է, որը հեթ-տրիկի հեղինակ է դառնում Չեմպիոնների լիգայի փլեյ-օֆֆի 2 խաղերում անընդմեջ: Նա «Ռեալում» գոլերի քանակը հասցրել է 400-ի եւ շարունակում է գլխավորել ակումբի պատմության լավագույն ռմբարկուների ցուցակը:
Պորտուգալիայի հավաքականի ավագը 7-րդ հեթ-տրիկն էր ձեւակերպել Չեմպիոնների լիգայում եւ կրկնել «Բարսելոնայի» արգենտինացի հարձակվող Լիոնել Մեսիի ցուցանիշը: Բացի այդ, Ռոնալդուն առաջին ֆուտբոլիստն է, որը 20 գոլ է խփում «Ռեալի» ու «Աթլետիկոյի» միջեւ մադրիդյան դերբիում: Պորտուգալացի հարձակվողը նաեւ 52-րդ գոլը խփեց Չեմպիոնների լիգայի փլեյ-օֆֆի հանդիպումներում, ինչը եւս ռեկորդային ցուցանիշ է:
«Ռեալի» ու «Աթլետիկոյի» միջեւ պատասխան հանդիպումը կկայանա մայիսի 10-ին «Վիսենտե Կալդերոն» ստադիոնում:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա