Ադրբեջանցի օրենքով գողը փախել է թշնամիներից

Ադրբեջանում թիվ մեկ քրեական հեղինակություն համարվող Նադիր Սալիֆովը, ով առավել հայտնի է որպես Գուլի, փոխել է բնակության վայրը՝ Թուրքիայից տեղափոխվելով Քաթար։

«Լենտա.ռու»-ն գրում է, որ նա համագործակցելով հատուկ ծառայությունների հետ՝ Քաթարում ստացել է բնակության իրավունք, և հիմա այդ երկրում գտնվելու է այդ ծառայությունների պաշտպանության ներքո։

Ըստ աղբյուրի, տեղափոխման պատճառները հնարավոր է կապված լինեն Սալիֆովի ու գողական աշխարհի ներկայացուցիչների միջև առաջացած խնդիրներով։

Նրան շատերը մեղադրում են՝ սոցիալական ցանցերում իր կյանքը հրապարակայնացնելու համար։

Հիշեցնենք, որ օրենքով գողերն ավելի վաղ որոշել էին հավաքվել, որպեսզի օրենքով գողի տիտղոսից զրկեն Նադիր Սալիֆովին։ Պատճառը համագործակցությունն է Արման Ջումանգելդիևի (Վայրի Արման) հետ, նա կասկածվում է Ղազախստանի հատուկ ծառայությունում աշխատելու մեջ։

«Ջումանգելդիևը ձեռք է բարձրացրել օրենքով գող Գուրամ Չիխլաձեի վրա»,- ասել է աղբյուրը։

Օրենքով գողի տիտղոսից զրկելու այլ պատճառների թվում են օրենքով գող՝ Զախարի Կալաշովի (Շակրո Մոլոդո) նկատմամբ ինտրիգը։ Պնդում են, որ Գուլին տարածել է լուրեր, որ Մակրո Մոլոդոն համաձայնություն է տվել քրեական հեղինակության Վադիմ Իվանենկոյի սպանությանը։

Սակայն հավաքներին նա այդպես էլ չի ներկայացել՝ փոխելով հեռախոսահամարը կամ էլ բնակության վայրը։