«Բարսելոնան» «Ռեալին» բաց չի թողնում

Բարսելոնի «Բարսելոնան» դուրս մնալով Չեմպիոնների լիգայի խաղարկությունից փորձում է գոնե նվաճել Իսպանիայի չեմպիոնի կոչումը, բայց այստեղ էլ ետ է մնում Մադրիդի «Ռեալից»: Ճիշտ է միավորներով հավասար են, բայց առաջնության ավարտից երեք տուր առաջ մադրիդցիները մեկ հանդիպում պակաս են անցկացրել:

Հիմա «Ռեալի» եւ «Բարսելոնայի» յուրաքանչյուր խաղ եզրափակչին հավասար հանդիպումներ են: յուրաքանչյուր միավորի կորուստ կարող է ճակատագրական լինել:

«Բարսելոնային» մնում է մրցել «Վիլյառեալի», «Լաս Պալմասի» եւ «Էյբարի» հետ: Իսկ «Ռեալը» կհանդիպի «Գրանադայի», «Սեւիլիայի», «Մալագայի» եւ «Սելտայի» հետ:

Ամենայն հավանականությամբ, մյուս մրցաշրջանում Չեմպիոնների լիգայում Իսպանիան կներկայացնեն նաեւ «Ատլետիկոն» եւ «Սեւիլիան»:

Իսկ «Սպորտինգը», «Գրանադան» եւ «Օսասունան» կլքեն ուժեղագույնների խումբը: Նրանց փոխարեն ուժեղագույնների խմբում հանդես կգան «Լեւանտեն» եւ «Ժիրոնան», իսկ մյուս ուղեգրի հարցը կվիճարկեն «Խետաֆեն», «Կադիսը», «Տեներիֆեն» եւ «Ռեալ Օվիեդոն»:

Top-News.am