Մանչեսթեր Յունայթեդի նախկին պաշտպան. Ի տարբերություն Մոուրինյուի` Ֆերգյուսոնը հրապարակայնորեն չէր քննադատում ֆուտբոլիստներին

Անգլիական «Մանչեսթեր Յունայթեդի» նախկին պաշտպան Թեդի Շերինգեմը հայտարարել է, որ համաձայն չէ այն բանի հետ, թե ինչպես է գլխավոր մարզիչ Ժոզե Մոուրինյուն իրեն պահում երիտասարդ ֆուտբոլիստների նկատմամբ:

Հիշեցնենք, որ պորտուգալացի մասնագետը բազմաթիվ անգամ քննադատության է ենթարկել թիմի ֆուտբոլիստներին, մասնավորապես Լյուկ Շոուին և Անտոնի Մարսիալին:

«Խաղացել եմ բազմաթիվ բարձրակարգ մարզիչների մոտ, սակայն երբեք չեմ լսել նրանցից քննադատություն ԶԼՄ-ներում: Ալեքս Ֆերգյուսոնը երբեք նման բան չէր անի, Թերի Վենեյբլսը երբեք այդպես չէր վարվի: Նրանք կասեին, թե ինչում ես սխալ հանդերձարանում, կամ էլ գրասենյակում: Գուցե տուգանեին քեզ, սակայն երբեք դա չէին բարձրաձայնի:

Վերջապես այդ ֆուտբոլիստները երիտասարդ են: Նրանք մեծանում են և սովորում. խոսքը միայն ֆուտբոլի մասին չէ, այլև կյանքի: Մարզիչը պետք է կարողանա քեզ անհրաժեշտ պահին տեղը դնել, ցույց տալ, որ երջանիկ ես պրոֆեսիոնալ ֆուտբոլում խաղալու համար, այլ ոչ թե մեծացնի ճնշումը` բոլորին պատմելով, թե ինչում ես սխալ»,- Շերինգեմի խոսքը մեջբերում է Goal.com-ը:

tert.am