Facebook-ը չի հրաժարվում Libra-ն թողարկել՝ չնայած ճնշումներին
Facebook-ը դեռեւս պատրաստվում է թողարկել Libra թվային արժույթը հաջորդ տարի՝ չնայած ամբողջ աշխարհի իշխանությունները կտրականապես դեմ են, հաղորդում է Reuters-ը: Ֆրանսիան եւ Գերմանիան պարտավորվել են արգելափակել Libra-ն Եվրոպայում:
Սոցցանցի ներկայացուցիչ Դեւիդ Մարկուսի խոսքով՝ ընկերությունը չի հրաժարվել իր ծրագրից 2020 թվականին Libra-ն թողարկելու մասին: «Մինչ այդ մենք պետք է ադեկվատ կերպով լուծենք բոլոր հարցերը, ստեղծենք համապատասխան նորմատիվ միջավայր»:
Սոցիալական ցանցերի հսկայի նախագիծը կրիպտոարժույթ եւ մեյնսթրիմ ներգրավելու փորձ է: Libra-ն ապահովված կլինի իրական ակտիվների պաշարով՝ ներառյալ բանկային դեպոզիտներն ու կարճաժամկետ պետական արժեթղթերը, եւ կվերահսկվի 28 անդամներից բաղկացած կազմակերպության կողմից:
Մարկուսն ասել է, որ քիչ հավանական է, որ Libra-ն կդառնա վճարային միջոց ռեգուլյար գործարքների համար իրական աշխարհում այնպիսի երկրներում, ինչպիսիք են Շվեյցարիան, Գերմանիան կամ Ֆրանսիան:
«Ամեն դեպքում քիչ հավանական է, որ մարդիկ կվճարեն էսպրեսոյի համար Շվեյցարիայում, Գերմանիայում կամ Ֆրանսիայում Libra կրիպտորժույթի միջոցով ապագայում»,-ասել է նա:
Բազմաթիվ երկրների իշխանությունները մտահոգված են, որ Libra-ն կարող է ապակայունացնել համաշխարհային ֆինանսական համակարգը, ազդել ինքնիշխան դրամավարկային քաղաքականության վրա եւ վնաս հասցնել գաղտնիությանը, ինչպես նաեւ կարող է կիրառվել փողերի լվացման համար:
Մարկուսը նշել է, որ չի հավատում, որ Libra-ն կխանգարի դրամավարկային քաղաքականությանը, քանի որ չի ստեղծի որեւէ նոր փող եւ չի ազդի տոկոսադրույքների կամ եկամտաբերության վրա:
Մարկուսի խոսքով՝ Facebook Calibra թվային դրամապանակը, որը թույլ կտա օգտատերերին եւ մատակարարներին կատարել գործարքներ թվային արժույթի միջոցով, հասանելի կլինի ամենուր, որտեղ կհամապատասխանի նորմատիվ պահանջներին:
Facebook-ին հասանելի չեն լինի վերջերս ստեղծված Calibra դուստր ընկերության տվյալները, հավելել է նա:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...