Ինչո՞ւ Մամուկա Բախտաձեն հրաժարական տվեց. BBC-ի ռուսական ծառայության անդրադարձը Բախտաձեի անակնկալ հրաժարականին
Երեկ հայտնի էր դարձել Վրաստանի վարչապետ Մամուկա Բախտաձեի հրաժարականի մասին, որի պատճառների մասին անդրադարձ է կատարել BBC-ի ռուսական ծառայությունը:
BBC-ի ռուսական ծառայության համաձայն՝ Բախտաձեի պաշտոնանկությունն իրարանցում է առաջացրել ընդդիմության շարքերում, մասնավորապես՝ Բախտաձեի հրաժարականի լուրը մեկնաբանել է պատգամավոր, «Միացյալ ազգային շարժում» խորհրդարանական խմբակցության ղեկավար Ռոման Գոցիրիձեն, որը հրաժարականի լուրը «ծիծաղելի» է որակել:
«Դուք հրաժարական չեք տվել, Ձեզ ստիպել են տալ: Ձեր կարծիքը ոչ ոք չէր հարցրել ձեզ այդ պաշտոնին նշանակելիս և ոչ ոք չի հարցրել այդ պաշտոնից հեռացնելիս: Ահա թե ինչպես են վարվում մարդկանց հետ՝ տիկնիկների պես, դեսուդեն շպրտելով»,- հայտնել է Գոցիրիձեն:
Ընդդիմադիր պատգամավորի կարծիքով՝ Բախտաձեի հրաժարականը «Վրացական երազանք» իշխող կուսակցության ղեկավար, միլիարդատեր Բիձինա Իվանիշվիլիի անձնական որոշումն է:
Գոցիրիձեն հայտարարել է նաև, որ Բախտաձեի հրաժարականն Իվանիշվիլիի՝ ընդդիմության և անկախ լրատվամիջոցների դեմ ուղղված «բռնաճնշումների շարունակման» պլանի մի մասն է:
Բախտաձեի հրաժարականի առնչությամբ իր կարծիքն է հայտնել նաև վրացի փորձագետ Գիա Խուխաշվիլին, որի համոզմամբ՝ Բախտաձեի հրաժարականը կապված է 2020 թվականին անցկացվելիք խորհրդարանական ընտրություններին իշխող կուսակցության նախապատրաստության հետ:
Փորձագետը կարծում է, որ Մամուկա Բախտաձեն, չունենալով քաղաքական կշիռ և սեփական որոշումներ կայացնելու կարողություն, նախընտրական ժամանակահատվածում Բիձինա Իվանիշվիլիի համար «ոչ հարմար» գործիչ էր:
Ավելի վաղ Tert.am-ը հաղորդել էր, որ Վրաստանի վարչապետի պաշտոնից Մամուկա Բախտաձեի հեռանալուց հետո իշխող «Վրացական երազանք» կուսակցությունն այդ պաշտոնում առաջադրել է ներքին գործերի նախարար Գեորգի Գախարիայի թեկնածությունը: Այս մասին երեքշաբթի լրագրողների հետ ճեպազրույցում հայտնել էր իշխող կուսակցության ղեկավար Բիձինա Իվանիշվիլին:
«Քաղխորհրդի ժամանակ ես առաջարկեցի Գեորգի Գախարիայի թեկնածությունը և լիակատար աջակցություն ստացա»,-հայտնել էր Իվանիշվիլին:
Նշենք, որ Ներքին գործերի նախարարության ներկայիս ղեկավարը մինչև 2016 թվականը եղել է Ռուսաստանի քաղաքացի և ՌԴ քաղաքացիությունից հրաժարվել է՝ Վրաստանի Էկոնոմիկայի և կայուն զարգացման նախարար նշանակվելուց երկու շաբաթ առաջ, որտեղից էլ մեկ տարի անց տեղափոխվել է Ներքին գործերի նախարարություն:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...