Վրաստանի իշխանությունները ՌԴ-ից զբոսաշրջիկների թվի կրճատումից տուժած հյուրանոցներին փոխհատուցում կտրամադրեն
Վրաստանի իշխանությունները դրամական փոխհատուցում կտրամադրեն Աջարիայի հյուրանոցների տերերին, որոնք տուժել են Ռուսաստանից երկրի այցելող զբոսաշրջիկների թվի կրճատման հետևանքով, գրում է msn.com-ը՝ Վրաստանի էկոնոմիկայի նախարարությանը հղումով:
Գերատեսչության հաղորդմամբ՝ պետության կողմից օգնությունը կդրսևորվի վարկերի տոկոսադրույքների համաֆինանսավորման տեսքով այն անհատ ձեռներեցների համար, որոնք դժվար նյութական կացության մեջ են հայտնվել:
Ավելի վաղ Վրաստանում հյուրանոցատերերը Ռուսաստանից տուր-փաթեթների կրճատման դիմաց փոխհատուցում էին պահանջել: Նրանք նման պահանջով դիմել էին կառավարությանը՝ հայտարարելով, որ ռուս-վրացական հարաբերությունների վատթարացման պատճառով զբոսաշրջային բիզնեսը ձախողման եզրին է:
Հիշեցնենք, որ Ռուսաստանի ու Վրաստանի հարաբերությունները սրվել էին հունիսի 20-ի իրադարձություններից հետո, երբ ՌԴ պետդումայի պատգամավոր Սերգեյ Գավրիլովը, որը ներկա էր եղել Վրաստանում անցկացվող Ուղղափառության միջխորհրդարանական վեհաժողովի նիստին, նստել էր խորհրդարանի խոսնակի աթոռին և հավաքվածներին ռուսերենով ուղերձ հղել:
Հունիսի 20-ի գիշերը ցուցարարները փորձել էին գրոհել խորհրդարանի շենքը, որից հետո նրանց դեմ ռետինե փամփուշտներ և արցունքաբեր գազ էր կիրառվել, ինչի հետևանքով 240 մարդ տուժել էր: Բախումներից հետո 305 մարդ բերման էր ենթարկվել:
Ռուսական իշխանությունները, ռուս զբոսաշրջիկների անվտանգությունից ելնելով, անժամկետ արգելել էին երկկողմ չվերթները: Կրեմլից հայտնել են, որ թռիչքները կվերսկսվեն, երբ «Ռուսաստանի քաղաքացիների անվտանգությանը սպառնացող բոլոր գործոնները վերանան»: Հայտնի է, որ լարված իրավիճակի ֆոնին ռուս զբոսաշրջիկները զանգվածաբար հետ են վերադարձնում դեպի Վրաստան տոմսերը:
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի