Լեհ լրագրողին սպառնում են ադրբեջանցիները
Հայերը եվրոպական քաղաքակրթության մասնիկն են, եւ մենք պարտավոր ենք օգնել նրանց իսլամական աշխարհի կամ Թուրանի կողմից հարձակման դեպքում։ Այս մասին իր «Вконтакте» սոցիալական ցանցում գրել է լեհ լրագրող Տոմաշ Մացեյչուկը։ Նա նաև հայտարարել է, որ սպառնալիքներ է ստանում այն բանից հետո, երբ որոշել է Ղարաբաղի մասին վավերագրական ֆիլմ նկարել։
«Սպառնալիքներ եմ ստանում Ղարաբաղի վերաբերյալ իմ դիրքորոշման պատճառով։ Ինձ ուզում են վախեցնել այն բանի համար, որ հանդես եմ գալիս ի պաշտպանություն հայկական Արցախի, որ պաշտպանում եմ հայերին մուսուլմաններից, որոնք արդեն մի անգամ իրականացրել են հայ ժողովրդի ցեղասպանություն»։
Եվրոպան պետք է հստակ հասկանա, որ Ադրբեջանը եւ Թուրքիան պատրաստ են ցանկացած պահի ոչնչացնել Հայաստանը, եւ ի օգուտ իրենց լուծել հայ ժողովրդի գոյության հարցը։ Հայերը եվրոպական քաղաքակրթության մի մասն են, եւ մենք պարտավոր ենք օգնել նրանց Իսլամական աշխարհի և Թուրանի կողմից հարձակման դեպքում», գրել է լեհ թղթակիցը։
Նա նաեւ հաղորդել է, որ շուտով հանդես կգա ռուսական հեռուստատեսությամբ, որտեղ կրկին կբարձրացնի ղարաբաղյան հարցը։
«Ես թքած ունեմ վայրենիների սպառնալիքների վրա։ Ես լեհ եմ, ես երբեք չեմ կանգնի Թուրքիայի և Ադրբեջանի կողքին՝ Հայաստանի դեմ։ Լեհ թագավոր Յան 3-րդ Սոբեսկին ցույց է տվել, թե ինչպես է պետք խոսել Թուրանի հետ, եւ մենք պետք է այդպես վարվենք։ Թեման փակված է»,- նշել է Մացեյչուկը։
Նա նաեւ հաղորդել է, որ ռուս զինվորական թղթակցի հետ հանդիպման ժամանակ քննարկել է Ղարաբաղի մասին վավերագրական ֆիլմ նկարելու հարցը։
«Ուզում էինք Ղրիմի մասին նկարել, բայց կարծես թե մեր առաջին համատեղ լեհ–ռուսական նախագիծը լինելու է Հայաստանում քաղաքակրթությունների պատերազմը, պատերազմ, որտեղ հայերը պաշտպանում են իրենց հողը եւ քրիստոնեական աշխարհը մուսուլմաններից»,- գրել է լրագրողը։
«Եվրոպան պետք է արթնանա եւ հետեւություններ անի. հայերի ցեղասպանությունը պատահականություն չի եղել, եւ Արցախի անկման դեպքում ողբերգութունը կարող է կրկնվել մեր աչքի առաջ։ Մենք պետք է հնարավորինս արագ գիտակցենք այդ սպառնալիքը եւ համապատասխան միջոցներ ձեռնարկենք. քաղաքակրթությունների պատերազմ է գնում՝ Արցախ, Կոսովո, Ռուսաստանի և Եվրոպայի իսլամացում։ Կամ մենք դա կհասկանանք, կամ հիսուն տարի հետո մեր թոռներին կստիպեն ապրել մուսուլմանական օրենքներով»,- եզրափկել է Մացեյչուկը։
Top-News.am
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Փոխվարչապետ Մհեր Գրիգորյանի և ԵՄ ընդլայնման հարցերի հանձնակատար Մարթա Կոսի հայտարարությունները
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Էնցո Ֆերնանդեսը ցանկանում է հեռանալ Չելսիից
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
ՄԻՊ-ն ընդունել է Մարդու իրավունքների եզդիական կենտրոնի ղեկավարին
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել