Կառավարությունը, կարծես, անցնում է «Լիդիանի» կողմը
Կառավարության այսօր՝ օգոստոսի 15-ի նիստում ՀՀ վարչապետ Նիկոլ Փաշինյանը դիմեց Քննչական կոմիտեի նախագահ Հայկ Գրիգորյանին՝ խնդրելով ներկայացնել Ամուլսարի հարցով Earth Link & Advanced Resources Development (ELARD) ընկերության փորձագետներ խմբի ներկայացրած եզրակացությունը։
Հայկ Գրիգորյանը առանձնացրեց 3 կարեւոր կետ. «Ըստ էության եզրակակացության վերլուծությունը թույլ է տալիս հանգելու, որ՝
1. Ամուլսարի ստորգետնյա ջրերի եւ Ջերմուկի թերմալ աղբյուրների միջեւ որեւէ կապ չկա;
2. Ամուլսարի ջրերի եւ Սեւանա լճի ավազանի միջեւ որեւէ կապ չկա, սակայն երկրաշարժի պարագայում հնարավոր է թթվային դրենաժի ինչ-որ կոնցենտրացիայի ներթափանցում Սպանդարյան–Կեչուտի ջրամբարի միջոցով Սեւանա լճի ավազան, բայց այդ կոնցենտրացիայի համակցությունը Սեւանա լճի ծավալներում աննշան կլինի։
3. Ամուլսարի ստորգետնյա ջրերի ազդեցությունը Որոտան, Արփա գետերի վրա հնարավոր է լինի, սակայն եթե «Լիդիան» ՓԲԸ–ն ձեռնարկի փորձագիտական խմբի կողմից առաջարկվող 16 մեղմման միջոցները, այդ ռիսկերը կլինեն կառավարելի»,–նշեց նա։
ՔԿ նախագահի խոսքով՝ «Լիդիան» ՓԲԸ–ն պատրաստ է կատարել 16 միջոցներից 15-ը. ««Լիդիան» ՓԲԸ–ն երեկ ծանոթացել է այս եզրակացությանը, իսկ նախաքննության ընթացքում ընկերության փորձագետները ներգրավված են եղել որպես կողմ եւ աշխատել են ELARD ընկերության փորձագետների հետ։
«Լիդիան»-ի փորձագետները պատրաստ են առաջարկվող 16 մեղմման միջոցներից 15–ը կիրառել, 10-ն արդեն իսկ կիրառվում է, 5-ն էլ պատրաստ են ապագայում կիրառել։ Մեկ մեղման միջոցը դեռ քննարկվում է, Համաշխարհային բանկից «Լիդիան» ընկերությունը գումար ստանալու համար պետք է համապատասխանեցնի իր գործունեությունը IFC ստանդարտին, որով սահմանվում է, որ հանքի օգտագործումից հետո 100 տարի պետք է մեղման միջոցներ կիրառվեն։ ELARD-ի փորձագետներն առաջարկում են առաջնորդվել Նեւադայի ստանդարտով, որն առաջարկում է մեղման միջոցները կիրառել 500 տարի։ «Լիդիան» ընկերությունը չի հրաժարվում մեղմման միջոցներ կիրառել 100 տարուց ավելի, եթե դրա անհրաժեշտությունը կլինի»։
Հայկ Գրիգորյանի խոսքով՝ հարուցված քրեական գործում այս եզրակացությունը որեւէ հիմք չի տալիս որեւէ մեկին քրեական հետապնդման ենթարկելու համար.
«Ստացված եզրակացության վերլուծությունը թույլ է տալիս ենթադրելու, որ մեկ տարուց ավելի քննվող քրեական գործը, որն հարուցվել է քրեական օրենսգրքի 282–րդ հոդվածով, որեւէ հիմք չկա որեւէ մեկին քրեական հետապնդման ենթարկվելու համար»։
Վարչապետի հարցին, թե արդյոք գործը կարճվելու է, ՔԿ նախագահը պատասխանեց. «Այո, գործի քննության ուղղվածություն դա է»։
Հիշեցնենք, որ օգոստոսի 14-ին, Քննչական կոմիտեն հրապարակեց Ամուլսարի հանքավայրի փորձաքննության վերջնական եզրակացությունը, որ պատվիրվել էր Advanced Resources Development (ELARD) ընկերության փորձագետների խմբին: Ըստ փորձաքննության արդյունքների՝ հավանականությունը շատ ցածր է, որ Ամուլսարի հանքի աղտոտված ջրերը ազդեցություն կունենան Ջերմուկի աղբյուրների վրա, քանի որ ստորգետնյա ջրերի հոսքի եւ աղտոտումը փոխանցելու ուղիներ առկա չեն:
Լուրեր Հայաստանից - NEWS.am
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...