Վրաստանի իշխանությունները հայտնել են ռուս զբոսաշրջիկների թվի նվազման մասին
Վրաստանում Ռուսաստանից զբոսաշրջիկների թիվը հուլիսին կրճատվել է 6,4%-ով՝ նախորդ տարվա նույն ժամանակահատվածի համեմատ: Այդ մասին, ինչպես հայտնում է «ՌԻԱ Նովոստի» գործակալությունը, հայտարարել է Զբոսաշրջության ազգային վարչության ղեկավար Մարիամ Կվրիվիշվիլին:
Նրա խոսքով՝ 2018 թվականի հուլիսին երկիր է այցելել Ռուսաստանից ավելի քան 169 000 այցելու, իսկ 2019-ի հուլիսին՝ մոտ 159 000:
Կվրիվիշվիլին հավելել է, որ ճանապարհորդների թիվը, որոնք Վրաստան են ժամանել օդային ճանապարհով, հուլիսին կրճատվել է 48,8%-ով, փոխարենը 7%-ով ավելացել է ցամաքային ճանապարհով երկիր այցելածների թիվը:
«Չնայած ստեղծված իրավիճակին՝ մի բան հստակ է, որ ռուս զբոսաշրջիկների մոտ կա Վրաստան այցելելու ցանկություն»,- ասել է նա:
Հիշեցնենք, որ Ռուսաստանի Դաշնության նախագահ Վլադիմիր Պուտինը հրամանագիր է ստորագրել, որը ռուսական ավիաընկերություններին արգելում է հուլիսի 8-ից սկսած ՌԴ քաղաքացիներին փոխադրել Վրաստանի տարածք: Նշվում է, որ հրամանագիրն ստորագրվել է Ռուսաստանի և նրա քաղաքացիների անվտանգության նկատառումներով և գործելու է ժամանակավոր:
Սույն հրամանագրով տուրօպերատորներին խորհուրդ է տրվում արգելքի գործողության ժամանակահատվածում ուղեգրեր չվաճառել դեպի Վրաստան։
Թբիլիսիի կենտրոնում հակառուսական բողոքի ցույցերը սկսվել էին հունիսի 20-ի երեկոյան՝ Վրաստանի խորհրդարանում անցկացվող Ուղղափառության միջխորհրդարանական նիստում ՌԴ Պետդումայի պատգամավոր Սերգեյ Գավրիլովի՝ խորհրդարանի խոսնակի աթոռը զբաղեցնելուց և այդտեղից ելույթ ունենալուց հետո:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...