Ժոզե Մոուրինյո. Ինչպես կարող եմ Մխիթարյանին դուրս թողնել մեկնարկային կազմից

«Մանչեսթեր Յունայթեդի» գլխավոր մարզիչ Ժոզե Մոուրինյոն պատմել է, որ Հայաստանի հավաքականի կիսապաշտպան Հենրիխ Մխիթարյանն իր խաղով արժանացել է մեկնարկային կազմում հանդես գալուն:

«Ինչպես կարող եմ Մխիթարյանին դուրս թողնել մեկնարկային կազմից, եթե նա լավագույնն էր նախորդ խաղում: Իհարկե, ես չեմ կարող անել դա: Ֆուտբոլիստներն իրենք են ստիպում ընտրել իրենց: Ես այստեղ եմ, որպեսզի վերլուծեմ նրանց ելույթները եւ անկեղծ լինեմ նրանց հետ: Այդպիսի հրաշալի խաղից հետո Հենրիխը պետք է խաղա: Դա պարզից էլ պարզ է»,- մարզիչի խոսքը մեջբերում է «Մանչեսթեր Յունայթեդի» կայքը:

Հիշեցնենք, որ փետրվարի 1-ին՝ Երեւանի ժամանակով 23։55-ին, «Մանչեսթեր Յունայթեդն» Անգլիայի առաջնության 23-րդ տուրում կընդունի «Հալ Սիթիին»: Մանչեսթերցիները նախորդ խաղն անցկացրել էին Անգլիայի գավաթի խաղարկության 1/16 եզրափակիչում՝ 4:0 հաշվով հաղթելով «Ուիգանին»: Հենրիխ Մխիթարյանը մեկնարկային կազմում հանդես էր եկել առանց փոխարինման եւ դարձել գոլի հեղինակ:

NEWS.am Sport

Այս թեմայով Հենրիխ Մխիթարյանը գոլը «Ռոմայի» կազմում Մխիթարյանը՝ Ռայոլայի մասին․ Նա միշտ ձգտում է, որ իր խաղացողներն իրենց զգան երջանիկ Նոր խաղակոշիկներ վերադարձի համար. Հենրիխ Մխիթարյանը նոր լուսանկար է հրապարակել Ռոմայում Մխիթարյանի մնալու համար հետաքրքիր սցենար են մշակել Ո՞ւմ նկարն է Հենրիխ Մխիթարյանի հեռախոսի էկրանին