Վրաստանում ՆԱՏՕ-ի Agile Spirit 2019 բազմազգ զորավարժություններ են սկսվել (լուսանկար)
Վրաստանում ՆԱՏՕ-ի Agile Spirit 2019 բազմազգ զորավարժություններ են սկսվել: Բացման հանդիսավոր արարողությունը տեղի է ունեցել Արեւմտյան Վրաստանի Սենակի քաղաքում, հաղորդում է «Նովոստի Գրուզիան»-ն՝ հղում անելով երկրի ՊՆ-ին:
Agile Spirit զորավարժություններն անցկացվում են 2011 թվականից եւ ԱՄՆ-ի եւ ՆԱՏՕ-ի հետ Վրաստանի համագործակցության բաղադրիչներից մեկն են: Այդ մանեւրների շրջանակում զինվորականները պատրաստվածություն են անցնում՝ միջազգային խաղաղապահ առաքելություններին մասնակցելու համար:
Agile Spirit 2019-ը կանցկացվի հուլիսի 29-ից օգոստոսի 9-ը: Մանեւրներին մասնակցում է ավելի քան 3 հազար զինծառայողներ ՆԱՏՕ-ի 14 անդամ եւ գործընկեր երկրներից՝ Վրաստան, ԱՄՆ, Բելգիա, Բուլղարիա, Մեծ Բրիտանիա, Հունաստան, Լատվիա, Լիտվա, Չեռնոգորիա, Նորվեգիա, Լեհաստան, Ռումինիա, Թուրքիա եւ Ուկրաինա:
«Բազմազգ զորավարժությունները լիովին համապատասխանում են մեր երկրի քաղաքականությանը՝ Վրաստանում ավելի շատ ՆԱՏՕ եւ ավելի շատ Վրաստան ՆԱՏՕ-ում: Agile Spirit 2019-ը Վրաստանում անցկացվող ամենամասշտաբային զորավարժություններից է: Նշված զորավարժությունները եւս մեկ քայլ առաջ են դեպի ՆԱՏՕ»,- զինվորականներին դիմել է Վրաստանի պաշտպանության ուժերի ղեկավար, գեներալ-լեյտենանտ Վլադիմիր Չաչիբայան:
Զինվորականներին դիմել է նաեւ ԱՄՆ Ջորջիա նահանգի Ազգային գվարդիայի հրամանատար, բրիգադային գեներալ Ռենդել Սիմոնսը՝ նշելով, որ 14 երկրների մասնակցությունը հաստատում է նրանց հակվածությունը տարածաշրջանային խաղաղությանն ու կայունությանը:
Ավելի վաղ Վրաստանի ՊՆ ղեկավար Լեւան Իզորիան հայտնել է, որ զորավարժությունների գլխավոր նպատակներն են վրացի զինվորականների օպերատիվ ունակությունների մեծացումն ու ՆԱՏՕ-ի զինվորականների հետ համատեղության բարձրացումը:
Վերջին անգամ Վրաստանում նման զորավարժություններ են անցկացվել 2018թ. սեպտեմբերին: Այդ ժամանակ զորավարժություններին մասնակցել են 10 երկրներից 237 զինվորականներ:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Արսեն Զախարյանի տրանսֆերային արժեքն աճել է