Խելահեղ խաղ, մրցավարական երկկողմանի սխալներ, կարմիր քարտ (Լուսանկարներ)

Ֆուտբոլի Չեմպիոնների լիգայի քառորդ եզրափակչի զարդը «Ռեալ»-«Բավարիա» դիմակայությունն էր: եթե մինչեւ վերջ անկեղծ լինենք, ապա այս թիմերը պետք է հանդիպեին եզրափակիչում, բայց կույր վիճակահանությունը նրանց դիմակայությունն արագացրեց:

Հիշեցնենք, որ մեկ շաբաթ առաջ Մյունխենում 2:1 հաշվով հաղթել էր արքայական ակումբը, այսուհանդերձ, ֆուտբոլից հասկացողները վստահ էին, որ դա դեռ չի նշանակում, որ «Ռեալը» հեշտ հաղթանակ է տանելու:

Առաջին խաղակեսումավելի շատ գոլային պահեր ստեղծեցին դաշտի տերերը, բայց այդպես էլ որեւէ գոլ չգրանցվեց:

Երկրորդ խաղակեսի սկզբում Մարսելոն գնդակը դուրս բերեց դատարկ դարպասից, բայց վայրկյաններ անց Ռոբենը խաբեց հունգար մրցավար Կաշային, ընկավ տուգանային հրապարակում եւ վաստակեց 11 մետրոնոց հարված, որը շատ հստակ իրացրեց Լեւանդովսկին:

1:0 հաշիվը ձեռնտու էր արքայական ակումբին եւ մյունխենցիները շարունակում էին գրոհել, «Ռեալին» թույլ տալով վտանգավոր հակագրոհներ իրացնել: «Ռեալը» բաց թողեց գոլխփելու բազմաթիվ հնարավորություններ, բայց 76-րդ րոպեին Կազիմիրոյի փոխանցումից հետո Ռոնալդուն գլխի հարվածով հաշիվը դարձրեց 1:1:

Եւ երբ թվում էր, թե «Ռեալը» լուծեց հաջորդ փուլ դուրս գալու հարցը, Ռամոսը գնդակը ուղարկեց սեփական դարպասը, անակնկալի բերելով բոլորին, այդ թվում եւ դարպասապահ Նավասին:

2:1 եւ այս հաշվի ժամանակ,խաղից վեց րոպե առաջ Վիդալը ստանում է երկրորդ դեղին քարտը եւ հեռացվում դաշտից գլխավերեւում տեսնելով կարմիր քարտը: «Ռեալն» ամեն ինչ արեց հիմնական ժամանակում երկրորդ գոլը խփելու համար, բայց հաջողությունը «Բավարիայի» կողմում էր:

Լրացուցիչ ժամանակում, ի պատիվ բավարացիների, նրանք տասը հոգով չանցան խուլպաշտպանության, այլ փորձում էին գրոհել եւ գոլ խփել, բայց «Ռեալի» հետ այս խաղաոճը վտանգավոր է: 

104-րդ րոպեին Ռոնալդուն հաշիվը դարձրեց 2:2: Մրցավարները չնկատեցին, որ նա խաղից դուրս վիճակում էր: Ճիշտ այնպես, ինչպես չնկատեցին, որ Ռոնալդուին Կազիմիրոն վայր չէր գցել: Ի դեպ, մինչ այս գոլը արքայական ակումբը բաց էր թողել գոլ խփելու մի շարք հրաշալի պահեր:

109-րդ րոպեին Մարսելոն հանճարեղ անցում կատարեց, ճեղքեց մրցակցի պաշտպանությունը, գնդակը հանձնեց ռոնալդուին, որը հաշիվը դարձրեց 3:2, դառնալով հեթ տրիկի հեղինակ:

112-րդ րոպեին իր գոլը խփեց Ասենսիոն, հաշիվը դարձնելով 4:2, ժպիտ պարգեւելով գլխավոր մարզիչ Զինեդին Զիդանին:

«Ռեալը» դուրս եկավ կիսաեզրափակիչ: Այնտեղ հայտնվեց նաեւ մադրիդյան մեկ այլ ակումբ՝ «Ատլետիկոն»՝ 1:1 խաղալով «Լեսթերի» հետ:

Top-News.am