Դանիական ֆուտբոլային թիմի երկրպագուները խաղի ժամանակ սատկած մկներ են նետել դաշտ

Դանիայի ֆուտբոլի առաջնության 29-րդ տուրի՝ «Բրոնդբյուի» և «Կոպենհագենի» միջև տեղի ունեցած խաղի ժամանակ (0:1) տանտերերի երկրպագուները մի քանի սատկած մուկ են նետել խաղադաշտ:

Այս մասին հայտնում է «The Telegraph»-ը:

Միջադեպը տեղի է ունեցել դերբիի 85-րդ րոպեին, երբ «Բրոնդբյուն» արդեն զիջում էր հաշվի մեջ, իսկ «Կոպենհագենի» ֆուտբոլիստ Լյուդվիգ Աուգուստինսոնը պատրաստվում էր իրացնել անկյունայինը:

Հյուրերի խաղացողները սկզբում փորձել են անձամբ հեռացնել մկներին դաշտի սահմաններից, բայց հետո օգնության են հասել անվտանգության աշխատակիցները:

«Բրոնդբյուի» ղեկավարությունը քննադատել է երկրպագուների նման պահվածքը և խոստացել գտնել մեղավորներին ու արգելել նրանց մուտքը խաղերին:

29 տուրից հետո «Կոպենհագենը», վաստակելով 71 միավոր, գլխավորում է մրցաշարային աղյուսակը: «Բրոնդբյուն» երկրորդ տեղում է (58 միավոր):