«Ռուսթավի 2» հեռուստաալիքի տնօրենը խոստացել է միզել Ռուսաստան արտահանվող վրացական գինու և «Բորժոմի»-ի մեջ
Վրացական «Ռուսթավի 2» հեռուստաալիքի գլխավոր տնօրեն Նիկոլոզ Գվարամիան ուղիղ եթերում հայտնել է, որ պատրաստ է միզել վրացական գինու և հանքային ջրերի մեջ՝ ի նշան վրեժի այն արտադրողների նկատմամբ, որոնք ապրանքն արտահանում են Ռուսաստան, հայտնում է «Վզգլյադ»-ի թղթակիցը Թբիլիսիից:
«Գրո՛ղը տանի այդ «Բորժոմի»-ն ու գինին: Այժմ մենք պետք է ասենք, որ ՌԴ նախագահ Պուտինը լավն է, որ ինչ-որ մեկը «Բորժոմի», գինի ու «Նաբեգլավի՞» տանի Ռուսաստան: Ես կմիզեի այդ ամենի վրա: Ինձ համար միևնույն է: Մենք երկի՞ր ենք, թե՞ առևտրի օբյեկտ»,- բղավել է նա հեռուստաալիքի ստուդիայում:
Գվարամիան դիմել է արտադրողներին՝ կոչ անելով «ապրանքը վաճառել Ուկրաինայում»:
«Ի՞նչ եք բռնաբարում մեր քաղաքը: Մեզ (նկատի ունի հեռուստաալիքին) արգելել են ազատ արտահայտել մտքերը, որպեսզի ձեր «Բորժոմի»-ն ազատ վաճառվի Ռուսաստանում»,- բղավել է նա:
Կիրակի երեկոյան «Ռուսթավի 2» հեռուստաալիքի հեռուստահաղորդավար Գեորգի Գաբունիան իր «P.S.» հեղինակային ծրագիրը սկսել է ՌԴ նախագահի հասցեին հայհոյանքներ տեղալով: Մեծ թվով օգտատերեր քննադատել են Գաբունիային և մտավախություն հայտնել, որ վրաց-ռուսական հարաբերությունները կարող են է՛լ ավելի սրվել: Հեռուստաընկերության գլխավոր տնօրեն Նիկա Գվարամիան հայտարարել էր, որ անթույլատրելի է համարում հայհոյանքը եթերում, թեև կիսում է հեռուստահաղորդավարի կարծիքը:
Վրաստանում մի քանի հարյուր մարդ եթերից հետո հավաքվել է «Ռուսթավի 2» հեռուստաընկերության շենքի մոտ՝ պահանջելով ազատել աշխատանքից հեռուստահաղորդավար Գեորգի Գաբունիային, որն ուղիղ եթերում հայհոյել ու վատ է արտահայտվել Ռուսաստանի Դաշնության նախագահի հասցեին: Այս առնչությամբ քննադատությամբ են հանդես եկել և՛ Վրաստանի նախագահ Սալոմե Զուրաբիշվիլին, և՛ երկրի ԱԳՆ-ն՝ քննադատելով հաղորդավարի ելույթը և այն սադրանք որակելով:
Որոշ լրատվամիջոցներ հայտնել են, որ Գվարամիան ու Գաբունիան «զուգընկերներ» են:
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ