Գերմանիան 5G ցանց է թողարկել

Գերմանիան անցում է կատարում բարձր արագությամբ բջջային ցանցին՝ թողարկելով 5-րդ սերնդի (5G) ցանց, հաղորդում է DW-ը:

Ցանցը հուլիսի 3-ից թողարկվել է Բեռլինում եւ Բոննում, ավելի ուշ կթողարկվի նաեւ Համբուրգում, Դարմշտադտեում, Լեյպցիգում եւ Մյունխենում:

Մինչ տարեվերջ ավելի քան 100 վայրերում կտեղադրվի մոտ 300 ալեհավաք 5G տեխնոլոգիայով:

Մինչ 2020 թվականի վերջ այն կտեղադրվի Գերմանիայի 20 խոշոր քաղաքներում:

Փորձագետներն այդ ցանցի թողարկումը կապում են նորագույն տեխնոլոգիաների զարգացման խթանման հետ:

Հունիսի կեսերին Գերմանիայում բջջային կապի օպերատորներն ավելի քան 6,5 մլրդ եվրո են վճերլ նոր բջջային ստանդարտի հաճախականության համար:

Ընդ որում, չինական Huawei տեխնոհսկայի 5G ցանցի կիրառման մասին որոշում չի ընդունվել: Deutsche Telekom-ի տնօրենների խորհրդի անդամ Դիրկ Վյոսսների խոսքով՝ օպերատորը սերտ կապի մեջ է Գերմանիայի տնտեսության նախարարության հետ: Նա նշել է, որ ընկերության համար առաջնային է անվտանգությունը:

Բաժանորդագրվեք Top-News.am-ին Telegram-ում