«Եթե անօրինական ներգաղթյալները դժգոհ են ապաստարանների պայմաններից, նրանց պարզապես ասեք՝ չգան». Թրամփ
Միացյալ Նահանգների նախագահ Դոնալդ Թրամփը չորեքշաբթի երեկոյան հայտարարել է, որ անօրինական ներգաղթյալները, որոնք դժգոհ են ԱՄՆ-ի և Մեքսիկայի սահմանին ապաստարանների պայմաններից, կարող են պարզապես չգալ և մնալ իրենց երկրներում, գրում է Reuters գործակալությունը:
Ավելի վաղ դեմոկրատ օրենսդիրները և իրավապաշտպանները, որոնք վերջին օրերին այցելել են հազարավոր ներգաղթյալների ժամանակավոր ապաստարաններ, հայտնել են ներգաղթյալների՝ մղձավանջային պայմաններում ապրելու մասին:
«Եթե անօրինական ներգաղթյալները դժգոհ են արագ կառուցված և վերասարքավորված ապաստարաններից, նրանց պարզապես հայտնեք՝ չգան: Այդպիսով՝ բոլոր խնդիրները կլուծվեն»,- թվիթերյան էջում գրել է ԱՄՆ նախագահը:
«Մեր Սահմանային ծառայության աշխատակիցները ո՛չ հիվանդանոցի աշխատողներ են, ո՛չ բժիշկներ և ո՛չ էլ բուժքույրեր»,- ավելի վաղ գրել էր Թրամփը:
ԱՄՆ նախագահը նաև հայտնել է, որ սահմանապահները գերազանց աշխատանք են կատարում, և որ այդ անօրինական ներգաղթյալներից շատերն այժմ ավելի լավ պայմաններում են ապրում, քան այնտեղ, որտեղից եկել են:
Նշենք, որ ավելի վաղ, Ներքին անվտանգության ծառայության տեսուչները, միգրացիոն կենտրոններ այցելելով, բազմաթիվ խախտումներ են արձանագրել և որպես ապացույց կադրեր ֆիքսել:
Նրանք արձանագրել են, որ սենյակներում ու խցերում մարդկանց քանակը մի քանի անգամ գերազանցում է թույլատրելի շեմը: Ներգաղթյալները, այդ թվում՝ երեխաները, չեն կարողանում պահպանել անձնական հիգիենայի կանոնները, լոգանք չեն ընդունում և ստիպված են մարմինը մաքրել իրենց տրվող թաց անձեռոցիկներով: Նրանք զրկված են հագուստը փոխելու հնարավորությունից և շարունակում են կրել այն նույն հագուստը, որով շաբաթներ առաջ ժամանել են ԱՄՆ: Ներգաղթյալները ստիպված են քնել չոր հատակին: Միգրացիոն որոշ կենտրոններում երեխաներին տաք ապուր չեն տալիս:
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Մենք ենք պետք Եվրոպային, թե Եվրոպան` մեզ
Ռուսաստանն արգելել է «Ջերմուկի» ևս 1,1 մլն շշի վաճառքը
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ուկրաինան կարող է ստիպված լինել հաշտվել իր տարածքի մի մասի կորստի հետ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...