Grand Chess Tour. Արոնյանն առաջին հաղթանակը տոնեց

Զագրեբում ընթանում է շախմատի Grand Chess Tour մրցաշարը: 6-րդ տուրում Լևոն Արոնյանին վերջապես հաջողվել է հաղթանակ տոնել: Հայ գրոսմայստերն առավելության է հասել Սերգեյ Կարյակինի նկատմամբ: Ռուս շախմատիստը հանձնվել է 55-րդ քայլին: Այս մասին հայտնում է Armsport-ը:

Մրցաշարի առաջատար Յան Նեպոմնյաշչնին առաջին պարտությունն է կրել՝ զիջելով Դին Լիժենին: Սոն պարտության է մատնել Շահրիյար Մամեդյարովին, Կառլսենը հաղթել է Հիկարու Նակամուրային: Հաղթանակ է տոնել նաև Ֆաբիանո Կարուանան, որի մրցակիցը Մաքսիմ Վաշիե-Լագրավն էր: Անիշ Գիրին ու Վիշվանաթան Անանդը ոչ-ոքի են խաղացել:

6-րդ տուրից հետո Լևոն Արոնյանը վաստակել է 3,5 միավոր: Հուլիսի 3-ին կայանալիք 7-րդ տուրում հայ գրոսմայստերը սևերով կմրցի ամերիկացի Հիկարու Նակամուրայի հետ:

Բաժանորդագրվեք Top-News.am-ին Telegram-ում