ՌԴ պատվիրակության կողմից «ռազբորկայի հարց» չի եղել. ԵԽԽՎ հայկական պատվիրակության անդամների մեկնաբանությունը
ԵԽԽՎ-ում Հայաստանի պատվիրակությունն ամփոփեց ամառային նստաշրջանը, որի ընթացքում քննարկվեց Ռուսաստանը ԵԽԽՎ վերադարձնելու բանաձևի քվեարկությունը:
Լրագրողի հարցին՝ լա՞վ անցավ ՌԴ պատվիրակության հետ «մերձեցման երեկոն», որի մասին խոսում էր պատվիրակության ղեկավար Ռուբեն Ռուբինյանը, ովքե՞ր մասնակցեցին դրան, Նաիրա Զոհրաբյանը պատասխանեց. «ԲՀԿ քաղաքական որոշումն է եղել կողմ քվեարկել ՌԴ պատվիրակության ձայնի վերականգնմանը: Ռուբեն Ռուբինյանի քվեարկությունը եղել է տեխնիկական վրիպակ, իսկ մերձեցման որևէ երեկոյի կամ ցերեկոյի չեմ մասնակցել»:
«Իմ քայլի» պատգամավոր Հովհաննես Իգիթյանն էլ ասաց, որ տեղյակ չէ «երեկոյի» մասին և խնդիր չի տեսնում նման հանդիպման մեջ: Ինչ վերաբերում է քվեարկությանը իր չմասնակցելուն, ապա Հովհաննես Իգիթյանն այսպես մեկնաբանեց. «Կար զեկույց, որը վերաբերում էր կանոնակարգի փոփոխությանը: Այն թույլ էր տալիս նախկինում պատժամիջոցների տակ գտնվող պատվիրակությունների համար վերադարձի պատնեշը հանել: Խոսքն անուղղակի է վերաբերում Ռուսաստանին: Այն մեկ դեպքի համար չէր, այն դարձել է Եվրախորհրդի կանոնակարգը»:
Նա ասաց, որ ինքը տեղում չէր, չէր քվեարկել, բայց նշեց, որ «Հայաստանը 4 ձայնով կողմ է քվեարկել»:
«Իմ քայլի» պատգամավոր Տաթևիկ Հայրապետյանն էլ նշեց, որ 220 փոփոխություն էր առաջարկվել, դրանք քվեարկվում էին, ու բուն քվեարկության պահը ակնթարթային էր. կային այլ պատվիրակներ ևս, որոնք սխալմամբ էին քվեարկել:
«Իմ քայլի» պատգամավոր Սոս Ավետիսյանն էլ պարզաբանեց, որ ռուս գործընկերներին բացատրել են՝ տեղի ունեցածը վրիպակ է եղել:
Տ. Հայրապետյանն ասաց, որ մարմինը, որը զրկել էր Ռուսաստանին քվեարկելու իրավունքից, չուներ իրավունք նման բան անելու, ուստի այստեղ խնդիր կար:
Նաիրա Զոհրաբյանն ասաց, որ եղել է գործընկերային պարզաբանման խնդիր, ՌԴ պատվիրակությունը պահանջ չի ներկայացրել՝ բացատրել քվեարկությունը կամ «ռազբորկայի հարց» չի եղել:
Լրագրողների հարցին՝ չեք մասնակցել քվեարկությանը, որովհետև հանդիպել էիք ուկրաինական պատվիրակության անդամների հե՞տ, Հովհաննես Իգիթյանը պատասխանեց, որ ինքը հանդիպել է իսպանական, հոլանդական պատվիրակությունների հետ, հանդիպել է նաև ռուսական պատվիրակության անդամների հետ: «Պատվիրակության բոլոր անդամները հանդիպել են գրեթե բոլոր 47 երկրի պատգամավորների հետ»,- ասաց պատգամավորը:
Սոս Ավետիսյանն էլ հավելեց. « «Պրո»-երի խնդիր չկա, պետք է աշխատել ԵԽԽՎ յուրաքանչյուր պատվիրակի հետ»:
Տաթևիկ Հայրապետյանը նկատեց. «ԵԽԽՎ-ն չի կարող դառնալ հակառուսական կառույց: Այնտեղ չեն կարող հնչել հարցեր ու չհնչել պատասխաններ»:
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Մենք ենք պետք Եվրոպային, թե Եվրոպան` մեզ
Ռուսաստանն արգելել է «Ջերմուկի» ևս 1,1 մլն շշի վաճառքը
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Ուկրաինան կարող է ստիպված լինել հաշտվել իր տարածքի մի մասի կորստի հետ