Վրաց հայտնի ջազ երգչուհի Նինո Քաթամաձեն հրաժարվել է ելույթ ունենալ Ռուսաստանում

Հանրաճանաչ վրաց ջազ երգչուհի Նինո Քաթամաձեն սատարել է Թբիլիսիում բողոքի ցույցի մասնակիցներին, որոնք հունիսի 20-ից ամեն օր հավաքվում են Վրաստանի խորհրդարանի շենքի մոտ, եւ հայտարարել, որ այլեւս երբեք ելույթ չի ունենալու Ռուսաստանում: Իր մտադրությունների մասին երգչուհին գրել է կիրակի ֆեյսբուքյան իր էջում, հաղորդում է ՏԱՍՍ-ը:

Հունիսի 22-ին Քաթամաձեն ելույթ է ունեցել Մոսկվայում ջազի փառատոնին, որից հետո դարձել է վրաց հասարակության կողմից քննադատության առարկա: Մարդկանց մի մասը քննադատել էին նրան, քանի որ նա ելույթ էր ունեցել Ռուսաստանում Թբիլիսիում հունիսի 20-ին խորհրդարանի շենքի մոտ հակառուսական ցույցը դաժանաբար ցրելուց հետո:

«Ես ասել եմ այդ համերգի ժամանակ եւ ցանկանում եմ ձեզ եւս հայտնել, որ դա իմ վերջին ելույթն էր Ռուսաստանում»,-գրել է Քաղամաձեն:

Երգչուհին նաեւ հայտարարել է, որ համաձայն է Վրաստանում ՆԳ նախարար Գեորգի Գախարիայի հրաժարականի մասին ցուցարարների պահանջի հետ: «Այս գրառմամբ ես ցանկանում եմ նախ հայտնել իմ բողոքը իշխանություններին եւ միանալ պահանջին, որ Գախարիան պետք է հրաժարական տա»,-հավելել է նա:

Նինո Քաթամաձեն վրացի ջազային երգչուհի է եւ կոմպոզիտոր: Քաթամաձեն Insight խմբի հետ միասին կատարել է այնպիսի ֆիլմերի երգերը, ինչպիսիք են Ալեքսանդր Գրաբարի «М8 մայրուղի», Ալեքսանդր Աթանեսյանի «Սպանել թագավորին», Ռեզո Գիգինեիշվիլիի «Սեր ակցենտով» եւ այլն:

Բաժանորդագրվեք Top-News.am-ին Telegram-ում