Գերմանիան Իտալիային կվերադարձնի նացիստական զորքերի գողացած նկարը

Գերմանիան մտադիր է Իտալիային վերադարձնել Ֆլորենսիայի Ուֆֆիցի պատկերասրահից 1943-ին նացիստական զորքերի կողմից գողացված նկարը:

Ինչպես հայտնում է BBC News-ը, խոսքը ծաղիկներով լի ծաղկամանի նկարի մասին է, որի արժեքը գնահատվում է միլիոնավոր եվրոներ: Նկարը գտնվել է գերմանական ընտանիքի տիրապետության տակ:

Հունվարին Ուֆֆիցի պատկերասրահի ղեկավարը հայտարարել էր, որ Գերմանիան «բարոյական պարտականություն» ունի օգնելու վերադարձնել այն թանգարանին:

Նկարը, որը պատկանում է հոլանդացի վարպետ Յան վան Հոյսումին, առաջին անգամ ցուցադրվել է Ֆլորենսիայում 1824-ին:

Այն գտնվել է 1991-ին, սակայն վերադարձնել չի հաջողվել: Ընտանիքը, որի անունը չի նշվում, 2 մլն եվրո է պահանջել նկարի դիմաց:

Բաժանորդագրվեք Top-News.am-ին Telegram-ում