Գարո Փայլանը Թուքիայի ՆԳ նախարարից հետաքրքրվել է՝ ինչո՞ւ են միջամտում պատրիարքական ընտրության գործընթացին
Թուրքիայի Ժողովուրդների դեմոկրատական կուսակցության հայազգի պատգամավոր Գարո Փայլանը ներքին գործերի նախարար Սուլեյման Սոյլուին հարցադիմում է ուղղել՝ պահանջելով պարզաբանել, թե ինչո՞ւ է նախարարությունը միջամտում պատրիարքական ընտրության գործընթացին:
Հունիսի 27-ին նախատեսված Պոլսո Հայոց պատրիարքի տեղապահի ընտրությունը հետաձգվել էր մինչև հուլիսի 4-ը Ստամբուլի նահանգապետարանից պատրիարքարան ուղարկված պաշտոնական գրության համաձայն:
Փայլանը նախարար Սոյլուից պատասխան է ակնկալում, թե ի՞նչ հիմնավորմամբ է պետությունը փոխում տեղապահի ընտրության ամսաթիվը: Հիշատակելով 2017 թվականին նահանգապետարանի կողմից տեղապահական ընտրությունը չեղարկելու հանգամանքը՝ հայազգի պատգամավորը պարզաբանում է պահանջել, թե ինչո՞ւ և ի՞նչ իրավունքով պետությունը միջամտում է հոգևոր կառույց հանդիսացող Հայոց պատրիարքարանի ներքին գործերին:
Ընդգծելով, որ մայիսի 23-ին Թուրքիայի Սահմանադրական դատարանը երկար տարիներ պետության կողմից պատրիարքական ընտրության խոչընդոտումը կրոնական ազատության ոտնահարում էր որակել` Փայլանը վրդովմունք է հայտնել, թե արդյո՞ք այս քայլերով չի շարունակվում խախտվել հայ համայնքի իրավունքները:
«Պատրիարքարանի գործունեությունն ու պատրիարքական ընտրությունը կանոնակարգող 1863 թվականի Հայոց ազգային սահմանադրության, որ դրույթների հիման վրա է նախարարությունը միջամտում պատրիարքի ընտրությանը», - հարցման մեջ նշել է Փայլանը:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի