«Թեհրանի և Վաշինգտոնի միջև դիվանագիտական ուղին մեկընդմիշտ փակվել է».Իրանն արձագանքել է Թրամփի՝ երկրի գերագույն հոգևոր առաջնորդի դեմ պատժամիջոցների սահմանմանը
Իրանն արձագանքել է ԱՄՆ նախագահ Դոնալդ Թրամփի՝ երկրի գերագույն հոգևոր առաջնորդ այաթոլլահ Ալի Խամենեիի նկատմամբ պատժամիջոցների սահմանմանը՝ հայտարարելով, որ այսպիսով Թեհրանի և Վաշինգտոնի միջև դիվանագիտական ուղին մեկընդմիշտ փակվել է:
«Իրանի գերագույն հոգևոր առաջնորդի նկատմամբ անօգուտ պատժամիջոցների սահմանումը մեկընդմիշտ փակում է դիվանագիտության ուղին»,- Արտգործնախարարության խոսնակ Աբաս Մուսավիի խոսքը մեջբերում է The Guardian-ը:
Նա ընդգծել է, որ Թրամփի՝ հուսահատության մեջ հայտնված վարչակազմը կործանում է աշխարհում խաղաղության և անվտանգության պահպանմանն ուղղված կայուն միջազգային մեխանիզմները:
Սպիտակ տան իր աշխատասենյակում պատժամիջոցների վերաբերյալ հրամանը ստորագրելու ժամանակ Միացյալ Նահանգների նախագահը մանրամասնել է, որ որոշման արդյունքում Խամենեին, նրա գրասենյակը և նրա հետ սերտ առնչություն ունեցող անձինք չեն կարողանա օգտվել առանցքային ֆինանսական ռեսուրսներից:
Թրամփի կողքին կանգնած ֆինանսների նախարար Սթիվեն Մնուչինը հավելել է, որ պատժամիջոցների արդյունքում կսառեցվեն միլիարդավոր դոլարներ:
Պարբերականը հիշեցնում է, որ Թրամփը նոր պատժամիջոցներով թիրախավորել է ոչ միայն Խամենեիին, այլև այլ բարձրաստիճան պաշտոնյաների: Ամերիկյան կողմը հայտարարել է, որ այս շաբաթ պատժամիջոցներ կսահմանվեն նաև Իրանի արտգործնախարար Մոհամադ Ջավադ Զարիֆի նկատմամբ:
Այնուհանդերձ՝ ոլորտի վերլուծաբանները կանխատեսում են, որ նոր պատժամիջոցների ազդեցությունը սահմանափակ կլինի:
«Իրանի նկատմամբ հայտարարված նոր պատժամիջոցները, կարելի է ասել, խորհրդանշական են»,-ասել է Ջարեթ Բլանկը՝ ԱՄՆ պետքարտուղարության նախկին աշխատակիցը:
Նշենք, որ երկու պետությունների առանց այդ էլ լարված հարաբերություններն ավելի են սրվել հունիսի 13-ին Օմանի ծոցում տեղի ունեցած միջադեպից հետո: Հայտնի է, որ Միացյալ Նահանգներն Օմանի ծոցում երկու նավթային լցանավերի նկատմամբ իրագործված հարձակման համար մեղադրում է Իրանին, որը, սակայն, հերքում է այդ մեղադրանքները:
Այդ միջադեպից մեկ շաբաթ անց Իրանը հայտարարել է իր օդային տարածքում ամերիկյան հետախուզական անօդաչու թռչող սարք կործանելու մասին:
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Ռուսաստանն արգելել է «Ջերմուկի» ևս 1,1 մլն շշի վաճառքը
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Մենք ենք պետք Եվրոպային, թե Եվրոպան` մեզ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Ուկրաինան կարող է ստիպված լինել հաշտվել իր տարածքի մի մասի կորստի հետ