Իրանին հարվածներ չհասցնելու Թրամփի որոշումը հակասել է իր խորհրդականների կարծիքին. WSJ
ԱՄՆ-ի նախագահ Դոնալդ Թրամփը հակառակվել է ազգային անվտանգության հարցերով իր խորհրդականներից շատերին՝ որոշելով հարվածներ չհասցնել Իրանի ուղղությամբ, հաղորդում է The Wall Street Journal-ը:
«Այդ մարդիկ ցանկանում են ներքաշել մեզ պատերազմի մեջ. դա այնքան զզվելի է»,-ասել է նա վստահված անձանցից մեկին: Պետության ղեկավարը նշել է, որ Միացյալ Նահանգները չի ցանկանում այլեւս պատերազմ:
Ինչպես նշում է պարբերականը, խորհրդականների հետ զրույցներում Թրամփը դժգոհություն է հայտնել դրոնի կորստի համար, քանի որ դրա արժեքը կազմել է առնվազն 130 մլն դոլար: Ընդ որում՝ նա նշել է, որ ընտրողներն ավելի շատ քննադատել են զոհերի փաստը, քան միջոցների եւ սարքավորումների կորուստը:
Պարբերականի տվյալներով՝ Թրամփի խորհրդականների մեծամասնությունը դեմ էին ագրեսիվ միջոցառումներին կամ օդային հարվածներին: Հարվածներ հասցնելու օգտին ելույթ էր ունեցել, մասնավորապես, ազգային անվտանգության հարցերով խորհրդական Ջոն Բոլթոնը:
Ավելի վաղ Թրամփը հայտարարել էր, որ չի չեղարկել Իրանի ուղղությամբ հարվածներ հասցնելու հրամանը, այլ պարզապես կասեցրել է այդ պահին: ԶԼՄ-ների տվյալներով՝ այն ժամանակ, երբ երկրի ղեկավարը հրամայել էր հետ կանչել ամերիկյան ուժերը, ԱՄՆ-ի ռազմաօդային ուժերի ինքնաթիռներն արդեն օդում էին՝ պատրաստ հարվածներ հասցնել իրանյան հակաօդային պաշտպանության դիրքերի ուղղությամբ: Թրամփը նաեւ նշել է, որ կցանկանար դարձնել Իրանը կրկին հզոր եւ պատրաստ է դառնալ նրա լավագույն ընկերը, եթե Իսլամանական Հանրապետությունը հրաժարվի միջուկային զենքից:
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ