Վրաստանում ընդդիմությունը 3 պահանջ է ներկայացրել իշխանություններին
Վրաստանի ընդդիմադիր կուսակցություններն իշխանություններին ուղղված երեք հիմնական պահանջ են հնչեցրել և բնակչությանը կոչ են արել միանալ խորհրդրանի շենքի մոտ անցկացվելիք ակցիային, որը մեկնարկել է 19:00-ին:
Ինչպես տեղեկացնում է Новости-Грузия-ն, իրենց պահանջները հայտնել են «Միասնական ազգային շարժում», «Վրաստանի Հանրապետական կուսակցություն», «Հանուն նոր Վրաստանի» և «Ժողովրդա-դեմոկրատական» ընդդիմադիր կուսակցությունների առաջնորդները ճեպազրույցի ժամանակ:
Նրանց առաջին պահանջը երկրի ՆԳ նախարար Գեորգի Գախարիայի հրաժարականն է, երկրորդը՝ ձերբակալված քաղաքացիների ազատ արձակումը:
«Գախարիայի հրաժարականի պահանջն ուժի մեջ է մնում: Գախարիան անպայման պետք է հեռանա: Անօրինական ձերբակալությունների առնչությամբ քրեական հետաքննություն սկսել, ինչպես նաև անհապաղ ազատ արձակել անօրինաբար ձերբակալված մեր համաքաղաքացիներին»,- հայտարարել է Հանրապետական կուսակցության քարտուղար Թամար Կորձայան:
Ընդդիմության երրորդ պահանջը կառավարության հետ բանակցություններ սկսելն է Վրաստանում արտահերթ խորհրդարանական ընտրություններ նշանակելու համար:
Հիշեցնենք, որ նախօրեին շուրջ 7000 մարդու մասնակցությամբ ցույցեր են տեղի ունեցել Վրաստանի մայրաքաղաքում, որոնց մասնակիցները փորձել են գրոհել խորհրդարանի շենքը: Հանրահավաքի մասնակիցներին հաջողվել է ցրել հատուկջոկատայինների օգնությամբ, որոնք ռետինե փամփուշտներ և արցունքաբեր գազ են կիրառել: Ցուցարարների և նրանց միջև բախումների հետևանքով 240 մարդ տուժել է: Բախումների ժամանակ 305 մարդ բերման է ենթարկվել:
Այսօր ավելի վաղ հրաժարական ներկայացնելու մասին հայտարարել էին վրաց խորհրդարանի խոսնակ Իրակլի Կոբախիձեն և Թբիլիսիում նախօրեին մեկնարկած Ուղղափառության միջազգային միջխորհրդարանական վեհաժողովի կազմակերպիչ Զաքարիա Կուցնաշվիլին:
Բողոքի զանգվածային ակցիայի պատճառ են դարձել վեհաժողովի ժամանակ ՌԴ պետդումայի պատգամավոր Սերգեյ Գավրիլովի գործողությունները, որը վեհաժողովի նիստը բացել է վրաց խորհրդարանի խոսնակի աթոռին նստած: Խորհրդարանի առաջ հավաքված ցուցարարները նախօրեին փորձել են հարձակվել ռուսական պատվիրակության անդամների վրա, որոնք հեռանալիս են եղել միջադեպից հետո:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...