Ադրբեջանի պաշտպանության նախարարն անհեթեթաբար բերնից թռցրել է
Ադրբեջանի պաշտպանության նախարար Զաքիր Հասանովն անհեթեթաբար բերնից թռցրել է։
Բայց ամեն ինչի մասին՝ հերթով։ Մայիսի 22-ին ադրբեջանական մամուլը՝ հղում կատարելով ԱՀ պաշտպանական գերատեսչության մամուլի ծառայությանը, տարածել է հաղորդագրություն այն մասին, որ նախարար Հասանովն այցելել է սահմանամերձ շրջան։ Ինչպես հետեում է հաղորդագրությունից, նախարարն այցելել է «ճակատի տարբեր ուղղություններում տեղակայված առաջնագծի զորամասեր», ստուգել դրանց մարտական պատրաստվածության մակարդակը, հետեւել Հայաստանի զինված ուժերի առաջնադիրքերին եւ «ստացված տվյալների հիման վրա տվել համապատասխան ցուցում՝ անհապաղ կասեցնել, հրազենային բոլոր միջոցների կիրառմամբ, հակառակորդի սադրանքներ կատարելու փորձերը»։
Այս հայտարարությունը մեկնաբանել է Հայաստանի Անվտանգության խորհրդի քարտուղար Արմեն Գրիգորյանը։ ԱԽ քարտուղարի խոսքով՝ հայկական ԶՈւ-ն հետեւել է նախարարին ուղեւորության ընթացքում, եւ վախեցած Հասանովը հեռացել է առաջնագծից։ Բաքվում զայրացել են այս պնդումից եւ, հավանաբար, մոռացել, թե ինչի մասին է խոսքը։
Եվ ահա հիմա Զաքիր Հասանովը հայտարարել է, որ այցելել է զորամասեր Բեյլագանի շրջանում, որը ղարաբաղյան ճակատի գծից հեռու է 35-38 կիլոմետր։ «Ինչ զենքով են հայերը հետեւել ինձ, որ վախեցրել են, եւ ես հեռացել եմ ճակատի գծից։ Հայկական բանակում չկա այնպիսի զենք, որը կրակում է 35 կիլոմետր հեռավորության վրա»,- անվերապահորեն ասել է Հասանովը՝ մեկնաբանելով Արմեն Գրիգորյանի ասածը։
Այնինչ, «դեպքի վայրում» կատարված լուսանկարներում միանշանակ պատկերված է մի ինչ-որ «ճակատամերձ տեղանք», իսկ ինքը՝ նախարարը, սաղավարտով եւ զրահաբաճկոնով է։ Այստեղից եզրակացություն՝ կամ նախարարը սովորության համաձայն ստել է, կամ ադրբեջանական բանակում նման շոուները՝ «ճակատ այցելություններով», այդպես էլ պետք է լինեին։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Պետական արգելոցի ֆոտոթակարդները կրկին նկարահանել են կովկասյան ընձառյուծին
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է