Պոլսո Հայոց պատրիարքի տեղապահը կընտրվի հունիսի 26-ին
Պոլսո Հայոց պատրիարքի տեղապահի ընտրությունը տեղի կունենա հունիսի 26-ին:
«Ժամանակ» օրաթերթի փոխանցմամբ, վաղը պատրիարքարանում Կրոնական ժողովի նիստ կգումարվի պատրիարքական ընդհանուր փոխանորդ Արամ արքեպիսկոպոս Աթեշյանի նախագահությամբ և Սահակ եպիսկոպոս Մաշալյանի ատենապետությամբ: Ժողովի ընթացքում կքննարկվեն ու կհստակեցվեն առաջիկա ընտրության հետ կապված մի շարք հարցեր: Եկեղեցական ավանդույթուների ու կանոնադրության համաձայն, տեղապահը ընտրվում է Պոլսո Աթոռի հոգևորականների Եկեղեցական համագումարի կողմից:
«Վաղվա ժողովը պիտի ապահովի, որպեսզի հունիսի 26-ի տեղապահի ընտրության օրակարգի շուրջ գումարվելիք Եկեղեցական համագումարը ունենա իրավական ամուր հիմք», - գրում է «Ժամանակ» պարբերականը:
Երկարատև ու ծանր հիվանդությունից հետո այս տարվա մարտի 8-ին Պոլսո Հայոց 84-րդ պատրիարք Մեսրոպ արքեպիսկոպոս Մութաֆյանի վախճանը համայնքի օրակարգ բերեց նոր պատրիարքի ընտրության հարցը:
Մայիսի 13-ին Թուրքիայի ներքին գործերի նախարար Սուլեյման Սոյլուի և Ստամբուլի նահանգապետ Ալի Յերլիքայայի պատրիարքարան այցի արդյունքում որոշում էր կայացվել ընտրել պատրիարքական տեղապահ, որն էլ կհամակարգի Պոլսո Հայոց 85-րդ պատրիարքի ընտրության գործընթացը: Ավելի վաղ, Արամ արքեպիսկոպոս Աթեշյանի և կրոնական ժողովի ընդհանուր ստորագրությամբ դիմում էր ներկայացվել Ստամբուլի նահանգապետարան՝ նոր պատրիարքի ընտրության ժամանակացույցը պետական մարմինների հետ համաձայնեցնելու համար:
Թուրք պաշտոնյաների պատրիարքարան այցից հետո հայտարարվեց, որ տեղապահական ընտրությունները կանցկացվեն հունիսի 23-ին կայանալիք Ստամբուլի ՏԻՄ ընտրություններին հաջորդող օրերին:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Արսեն Զախարյանի տրանսֆերային արժեքն աճել է